差D笑死 (1555)

隨意在免費報看了一篇MPF的理財分析, 看完差D笑死! 

 四個專家用左好多文字講呢講路, 分析天下大勢, 好似好得! 但是四個好似好得的專家有一個共通點, 就是組合由2015年11月2日開倉至2016年4月25日見報的差不多半年投資時間, 成績全部都是虧本…即是蝕錢也! 蝕錢由 -2.09% 到 -5.25% 不等!  

儘管個個蝕錢, 但個個仍然理由多多, 全部一致「維持組合不變」, 意思就是「輸的是你的錢, 我投資沒有錯」, 這就是現在香港我們MPF的可憐現況!  

亞甲話控制風險 (又唔係蝕? 控制到咩風險呢?) ; 亞乙話過去兩個月內地股市造好 (做咩個市造好, 但係你負責既 MPF 又會衰左?); 亞丙話港股有望受惠 (做咩你旗下既中港基金會衰到蝕 3.48% 呢?); 亞丁話日本早前發生地震 (關你負責個中國股票基金咩Q事呢?)…凡此種種, 日日見報, 真係笑Q死人唔使本…!  

事實上, 這樣子的理財專題, 基本上十分垃圾, MPF這些「人生有幾多個十年」的投資, 現在以「本周策略」來討論, 根本就是誤導眾! 當然, 這些可憐的 MPF 專家不能不每周供稿給免費報, 但輸錢又不關他們的事, 但大家如果真的跟他們意見管理自己的 MPF, 那「認真就輸死了」! 

 「活化強積金組合比賽」是這專題的名稱, 但大家要明白「垃圾強積金組合意見」是這專題的本質! 如果你竟然不明白這一點, 我勸你還是不要再過問你自己的MPF, 亦不要企圖做甚麼活化的動作, 由MPF自生自滅, 等到65歲時取出來就可以了!  

按照我的建議, 投資成績一定好過甲乙丙丁的強積金專家..!  

信不信由你..!  

反正人人都可以說…「信者得救」!

(註:公道D講, MPF 的投資都以 HSI 來比較的, 因此同期的恆指由 23423 (2/11/2015) 跌到 21304 (25/4/2016), 跌了 -9.05%,因此上述的4位強積金專家都是贏家...! 如果你持有上述的蝕錢 MPF基金, 都是贏家...! )

Got it...?