新工具, 新玩具 (1737)

股市千變萬化, 要捕捉機會各有千秋, 最近買了天匯的Powerticker, 用作尋找入市及出市指標, 經過了三個月的學習, 現在已經開始有些心得了...!!!

開始了用真金白銀入市, 看看成績是否有所改善...!!!

投資成績表 (1726)

我是在2016年8月9日決定重投股海, 再起風雲, 要在險惡之地, 賺取些少使用, 過過日晨, 考考眼光...! 不經不覺, 接近一年半, 可以做個投資成績表給自己看看啦...!!!

2016年 (8月9日至12月31日)
我的投資成績     +11.00%
同期恆生指數     - 2.07%
 
2017年 (1月1日至12月31日)
我的投資成績     +10.29%
同期恆生指數     +35.07%

2018年 (1月1日至1月4日...即今天)
我的投資成績     + 1.52%
同期恆生指數     + 0.72%

總結: 
(1) 我的投資成績每年有超過 10% 回報, 我是滿意了(因為我沒野心), 但當然不算好...!
(2) 在2017年, 慢牛出現, 一年升了近 8,000點, 人人都是股神, 我的成績相對而言是極差了...!
(3) 如果以複式增長來看, 只要 7 年我的本金便可以double, 好快已經兩年, 不是遙不可及的事...!

行動 :
(1) 2018年初, 增持現金, 重新選股, 希望在 2018 的較大波動中, 仍可增值;
(2) 由於過去兩年的實踐, 證明股市仍有利可圖, 2018 可以加大一點力度, 增添成果;
(3) 2018 年又被視為回調跌市, 甚至股災再現的一年, 因此組合要有機動性, 進速退銳, 保本存活為主, 增值擴建為次, 每年保持 10% 左右, 經已足夠...!

回調反彈.. 再回調再反彈.. (1689)

回調... 反彈... 再回調... 再反彈...? 對嗎? 同意嗎? 相信嗎?

現時市況:
(1) 股災...? 不會吧...! 只是回調...! 頂多跌到 26,500~27,000 吧..!入市好機會..!
(2) 狂牛...? 不會吧...! 只是反覆向上...! 而且要看個別股票, 有強有弱...!
(3) 又不升又不跌...? 對呀...! 上落市呀...!
(4) 做咩好...? 就炒上落市啦...!
(5) 走勢..? 仲係在上升通道之上, 一跌到通道底就反彈...! 好安全呀..!

上次Blog 1687我說回調正是入貨時, 有咩好買...? 最後我買左建行(939)及中行(3988), 好似穩陣D...!

我只買左少少...! 老實講, 大家都炒股多年啦, 知道炒上落市只係貪小便宜, 唔係食大茶飯, 所以都係考眼光, 多過入去博命...!

結果, 中左...! 回調... 反彈...!

由於只係敢買少少, 結果反彈時沽出, 賺左少少 (成績只係勉強叫做有 5位數字)..!

唔夠 3 日, 又來第二個round...! 我估又係再回調... 再反彈...的格局...! 

唔夠 3 日,買咩好..?  我第二次都係買建行(939), 貪佢升跌都夠快...!

RSI(9)現時 44.6, 我貪快, 已經入市...! 其實有耐心者, 等到 30以下至買, 贏面有90%...!

再跌到 RS(9) 少過 30 的超賣時 (大概 26,500吧), 我或者會再買入一注建行, 拉低D入貨位...!

而我指贏面 90% 係指贏 3% 至 5% 小利, 唔好諗大茶飯住...!

寫得不少了(1500)

曾經說過, 2014年要每天一 blog, 寫足365個, 結果失敗了! 

沒關係, 自說自話的東西, 自己不怪自己, 那就 ok 啦! 

不過, 數一數, 2014年到今天也寫了足足162篇, 而且仲可以打破 1,500大關, 已經算寫得不少了! 

沒有稿費的東西, 又不打算出書, 何必認真! 不過, 我最喜歡是自己風花雪月的內容, 但當我看一看統計時候, 發覺看我 blog的人興趣都在講股票的部份! 

唉! 都是貪錢鬼! 

其實, 要賺錢炒股就自己炒個夠啦, 看我這 blog沒有甚麼參考價值, 因此我作為 blog主都沒在炒股賺錢發財, 那你看了只是浪費心思, 亂你心神! 

2015年也不見得是好時年, 因為, 炒作從來每次不同! 

有誰看到今次A股上證指數的反彈? 如果今次捉到就都不錯啦! 我自己老早都買了 2822 及 2823, 但成績只是一般, 可見股票要賺錢的確比買樓難! 

如今, 下一水, 炒咩呢? 希望我也可以尋找到! 

不過, 如果A股上證指數回落, 2015年單單炒2822 及 2823的上上落落, 亦未嘗不可!

好啦! 今天我終於完成了第 1,500 篇 blog, 可以休息了!

入貨位22,400 (1445)

恆指在社會動亂中持續下跌至22,933, 給投機者帶來一個入市的機會。

AASTOCK的所目標位23,088經己失守, 如以恆指3年周線圖看, 下一關可以保力加的下線22,396作入貨目標, RSI(9)目前是36, 如跌至約22,400時應該亦接近30了。

入不入貨可視政局而定, 如果自然下跌, 可以自然入貨(即分批分段法); 如果因為流血清場而急跌, 那可以大手賣入等反彈先賺一部份, 再持有等轉勢而獲利。

股市名言: 「街頭濺血日, 就是入貨時!」

佔中, 幾時才街頭濺血呢?

我錯了, 但你可以賺錢麼? (1438)

我在24/12/2013 “渣打彈彈彈” (1336)分析, 覺得渣打有得升, 因此在$168左右買入! 之後也升了一段時間, 升到 $174有點錢賺, 覺得 3.5% 不夠多, 所以沒賣! 再後反反覆覆向下而非向上, 如今跌到 $149.9, 我當然擔正大旗去做蟹啦! 

不過, 我在想, 我錯了, 但你可以賺錢麼? 

如果你現在以$150買入持有, 會不會賺錢呢? 渣打已經跌到三年的低位, 是否已經有足夠的值博率呢? 

如果以 aastock 圖表的目標價, 渣打應該可以反彈上到 $192.4 的! 那如果今天你用 $150 買入, 可以有升 28.2% 的潛力是否好和味呢? 

我真的錯了, 但你可以賺錢麼? 想想吧!

應該買貨了(1432)

九月開學季節, 忙死我了! 不過我對大市心中有數, 所以一直只從旁觀察, 其實沒有忘記它的, 只是等待時機! 

今天有空, 我回看一下自己之前說過甚麼廢話, 前後對比一下, 得出的結論是: “應該買貨了!” 

我在blog 1427(25/8/2014)恆指升到 25,200時候, 已經心中不安, 因為我是一個完全沒有市場消息的人, 也不愛聽天天 “想你發達” 的股壇高人的指路明燈, 因此 “局住” 要做圖表派! 當日恆指已經 “位高” 了, 是否 “勢危” 就看你是樂觀派還是悲觀派! 但我, 既不是樂觀派, 又不是悲觀派, 只是圖表派之中的一個無膽派! 因此, 心中開始安排減磅, 可以賣的東西都賣了, 留回些少現金傍身, 以便再玩一回! 

現在看來, 當時的(2)及(4)都說得接近了, 特別是對個股的看法: “好似 386 今日係例外, 但應該唔會威得好耐, 正如前幾日既 941, 標上 96元后如今在 94.5行行企企, 你信佢之後會 “突破100元扶搖直上” 還是 “衰衰地落返 85元水平重頭玩過一舖” 呢?” 

386當時真係好威, 一直爆升到近$8.20吧, 當時如果不走, 又是一場春夢了無痕! 今天已經急跌回$7.00, 跌了15%, 雖然死唔去, 但都好無癮啦! 

中移動更妙, 我全中, 雖然我口氣係唔信 “佢之後會突破100元扶搖直上”, 結果我錯啦! 中移動(941)一口氣扶搖直上突破100元, 仲高見$102幾日等大家有充足時間散貨! 當然, 如果你貪心以為仲會上, 而且不相信圖表, 那麼接住錯的就是你了! 如今中移動經已回跌到$92.7, 跟$102比較已經跌了9%, 是否還會 “衰衰地落返 85元水平重頭玩過一舖” 呢? 我真的不知道, 不過如今連AASTOCK圖表都出埋目標價參考, 真的可以不用腦炒股票了, AASTOCK圖表顯示, 941應該起碼要跌到$88.8 才行, 跟$85都不遠了! 老實講, 跌到$85的941才有吸引吧, 如今$92.7再買入的值博率不高, 941始終買賣成本太大了! 

至於700, 由近$135 跌到今天的$116.5一共跌了13.7%足夠麼? 按AASTOCK圖表顯示, 700應該起碼要跌到$114.8 才行, 也不遠了! 如果迷信700, 應該又是一個 “入市良機” 了! 你信麼? 

我上次blog 1427(25/8/2014)結論是: “因此, 我在 25,000 之上都沽左d貨拿住 cash先, 等一兩個月落返 23,000至 24,000時,再買貨! ” 

如今只等了一個月時間, 不用兩個月, 在26/9/2014 恆生指數跌回23,678這天(由25,200 跌回23,678足足跌了1,522點, 即是跌了6%), 我的新結論是: “應該買貨了!” 

買也不用急, 恆指還會跌的, 總之在 “落返 23,000至 24,000時,再買貨! ”, 應該可以吧!  按AASTOCK圖表顯示, 恆指應該起碼要跌到 23,088 才行, 真的可以不用腦炒股票了!

買甚麼就 “你諗你啦!” 你都咁大個人啦, 識得炒股票啦, 買咩都得啦! 總之買隻 “會升既” 就可以啦! 

我? 我會買2822…! 

因為簡單, 同時唔使印花稅…! 7/10/2014前除淨買入, 仲有股息人民幣$0.28收, 27/10/2014派息仲可以 “袋住先”! 有錢, 梗係要啦! 而且, 這類 ETF在滬港通的情況下一般都可以混水摸魚, 人升佢又升, 亂升一通的類別, 到時有利可圖, 又可以走人, 因為滬港通真的通了之後, 那混水摸魚的時間都應該完啦!