Friday, February 29, 2008

炒股的智慧 (269)

好細心的第三次重看【陳江挻:炒股的智慧】一書,作者講得對:「在股市偶爾賺點錢很容易,困難在於怎樣不斷地從股市賺到錢!」學問就在這裏,而這裏主要涉及「人性」。

一般股民失敗在於「人性」,如果喜歡在股市出出入入而未能控制「人性」,宿命就是失敗!「人性」是怎樣的呢?

人性討厭風險:舉個例,即使在
$115 好價位買了前途無限的中移動,一般股民總等不到 $200 才收割,反而在升到 $124 後一跌回 $118 時就急急沽出,因為恐怕那僅有的 $3 利潤也將失去,更怕跌回 $108 低位虧本。人性討厭風險,所以每次大機會在面前,也只能以獲小利收場!反而忘記股市的運動從來都是以「波浪」前行!

人的發財心太急:太急著發財,行動上就是注下得太大!缺少謹慎,買得太多,止蝕太遲,結果以虧本收場!

人好自以為是:在炒股這行,不存在對錯!股價只受「投資大眾及他們對未來的看法」所影響,不要對自已的分析太固執,「選擇正確」往往和「選擇賺錢」並不同步!

人好跟風:股市沒有既定的運行準則,一般股民往往就以報章號碼作入市參考,但缺乏知識、經驗、自我判斷,而一位缺少計劃的投資者,他的輸贏是隨機的。

人好報復:輸了想加注,忘記了股票跌的時候通常有它跌的理由,常常下跌的股票會愈跌愈低!

人總是遲疑不決、心懷僥倖:
$20 買股票,定好 $18 止蝕,但跌到 $18 時又想等等,或者明天會反彈!再跌到 $16 時會說:「講好$18 止蝕,好吧,再反彈 0.5 元就沽啦」,結果跌到 $10 時說:「媽的,老子跟你拼啦!看你還可再跌到那裏!」結局很少例外,市場又多了一個交了學費畢不了業的炒股人!

控制「人性」,建立自已的知識、經驗、及自我判斷,炒股的智慧盡在這裏!

Tuesday, February 26, 2008

回顧第一炒 (268)

回顧 7 Jan 2008 零八第一炒 (242)」所言,當時我希望於零八年的一、二月,在 26,000 ~ 29,500 的水平作一些短炒 3 ~ 12 日的 in & out trading〕,謀取約 10% 的利潤。如今到了二月底回顧,證明是徹底失敗之作!

失敗原因起碼包括了:

(1) 當時預料大市會在 26,000 ~ 29,500 的水平上落,結果大市一瀉千里,證明我完全估錯!估錯自然買錯,買錯自然失敗 〔失敗自然是將來的成功之母〕!

(2) 我要「作一些短炒」,即是講明要「主觀」先行,自以為在 3 ~ 12 日內就可以得手成事,無視大市走勢往往可以出人意表的反覆,正正中了「財不入急門」之毒咒;

(3) 我以為自已好炒得〔好似林鄭月娥咁好打得〕,結果下場亦好似林鄭月娥咁要走出來澄清「佢唔係真係好打得」〔只係 Bow Tie 曾 亂嗡靠害〕! 我亦要走出來澄清「我唔係真係好炒得」〔只係自已思覺輕微失調左一陣靠害〕

呢個用血汗錢編寫出來既故事教訓我地:
(1) 唔好估;(2) 唔好炒;(3) 要知自已真係唔係好得!

個故事當然仍未收科,我依
24 Jan 2008 紀律第一 (256) 所言要作救亡,「趁今次回升重整 Stock Cash 比例」以及「嚴格保持起碼 30% Cash 作操作上的平衡點」。

趁二月中反彈,我以
5.27 5.38 沽清工商銀行 (1398),微蝕 1%;於 140 元先沽出 1,000 H-ETF (2828) 減磅〔若跌至 125 元則補回〕;以 15.12 沽清「首域新興市場領先基金」;以 7.4283 沽出部份「宏利中華威力基金」等套現。

經重整後,目前
Cash 回復到 30% 的水平!後市假若再跌至 21,000 水平或以下,跌市尾段出現「恐慌性沽售入市良機,會考慮再行入市,拉低平均成本。

Sunday, February 24, 2008

應該賣、定買? (267)

今日如厠隨手拿起一本東西翻看,是 2006 6 月由經濟日報印行的【優質股大搜查】,翻到了 06 年下半年大市前瞻,赫然見到:「恆指由 11,000 點輾轉升逾 17,000 大市於 5 月中開始作劇烈調整。到底這次跌市是漫長熊市的開端,還是一如 05 5 月般是升浪中的調整?」竟又看見如此熟悉的「跌市熊來了?」模梭兩可論,不禁〔不是失禁〕啞然失笑!

如厠後我馬上隨手冲厠,也馬上隨手將這本東西〔這
東西不配叫做「書」〕丟入垃圾桶〔我當然不會笨到丟入馬桶去冲啦!〕

如廁,可說是人類思想最集中最美妙的一刻,因為你會「由頭到腳」〔我不好意思說「由頭到屁股」〕都又集中、又專注、全力以赴地去完成一件人生大事!在一個如此高度專注集中的時刻,最適宜借用來思考一些又繁複、又深奧、又獨特、又憨居的課題,例如:「到底這次跌市是漫長熊市的開端,還是一如
XX XX 月般是升浪中的調整?」又例如:「恆指由 XX 點輾轉升逾/跌逾 XX 點,而家應該係賣、定買、定乜都唔做最好呢?」

余資質魯鈍〔唉!話醒目你都唔會信啦!見我而家扮蟹扮成咁!〕,當然未能
如廁即時思考出一個最佳答案!但余資質亦非魯鈍至不懂得去尋找最佳答案。經過一輪網上 Search、 Research、Re-research 後,我仍然認同林森池大師對近來市況的分析可說是最佳的答案!

林氏對
熊市的說法可說是一針見血〔重磅企業的賺錢能力縮水,大市才會步入熊市。中國經濟未來三四年盈利增長幅度會放慢但不是純利減少連續倒退,所以不會步入熊市〕;他對250 天平均線所謂「牛熊分界線」的澄清亦發人深省〔250天平均線不是牛熊分界指標,只是一個平均數,在牛市中,跌穿250MA應該買貨,不是出貨!〕

聽了林大師一翻有理有據的論述,我心中踏實得多!我對前路好像有了較清楚的方向,對「應該賣、定買?」也好像有了個初步取向!對充斥報章蠱惑人心的「跌市熊來了?」模梭兩可論也不再那麽放在心上了!

麟記雜貨對林大師訪問的記錄 真的又快又好,令人敬佩!我只能對你說無論多忙,如果你不看最終一定是你的損失啊!

你亦可以晚上回到家中,一邊如厠一邊聽
RTHK 林大師訪問的完全版,那思想可以更加專注集中、聽他論述可以更加傳神、如厠可以去得更加鏗鏘、更加有氣有節、有味有道呢!

Wednesday, February 20, 2008

念「肥姐」 (266)

「肥姐」終於走了!在一個回暖的春日!

歡樂幾許曾經,
飄渺芳縱魂歸天路片片漸逝集體回憶
今宵
哀悼全城,桃花人面道山仙遊滴滴離淚煙水兩忘

Thursday, February 14, 2008

情人節做乜好? (265)

情人節做乜好?我真係唔識答你!甲話:「我返緊工,唔得閑稔 D 咁既野!」乙話:「情人節?我無左 Feel 好耐啦!」丙話:「我等緊收花!」丁話:「情人?乜野黎架?」亞戊話:「D 花千幾銀一札,買麵粉好過!我整緊餅! D 年糕仲未食完!」我話:「唉!情人節 --- 我無使錢好耐啦!」

但係大市咁跌法,橫店身家都係縮緊水,不如趁情人節做做善事啦!一方面可以幫幫
D 有急切需要既人,另一方面亦可以幫我 D 情人積積福!我仲係相信福有攸歸、善有善報架!〔唔好笑啦!〕股市投資我未有善報,只係時辰未到!

打開我既「可持續發展」既捐款名單,終於決定捐款俾
「中國雪災」「小扁擔勵學行動」,前者救急扶危爭分奪秒,後者係中大校友自發既中國貧窮農村助學工作,參與者全義務無償付出,出錢出力,善款 100% 到位,唔會有貪污及中飽私囊既野!奈何我最近比較水緊,只可以捐少少了!不過古語有云:「莫謂善小而不為」,我相信捐款多少,積福果效都可以一樣咁大!

我打算能力所及既話,每月都會捐少少既!舊年
11 月捐左樂施會、12 月捐左奧比斯同中國農村助養、1 月捐左宣明會助養、而家 2 月捐左中國雪災同小扁擔勵學。我覺得用「可持續捐款」既方式去幫我 D 情人積積福,祝願大家身体健康、財源廣進、萬事順境,係唔係比用千幾銀特別於情人節買一札紅玫瑰既「積福果效」更加「可持續」同「更加大」呢?

話時話,而家社聯仲推出左個
WiseGiving 既捐款網站,方便 D 善長仁翁唔止炒股投資要 Intelligent,捐款 Giving 亦要 Wise 咁話

願你同你既情人在情人節都行行善、積積福,幫幫
D 有急切需要既人!古語雖然有云:「天若有情天亦老」,我但願天下有情人於行善積福之後,都能青春常註、永遠美麗及永遠無老〔唔係無腦〕

Sunday, February 10, 2008

書中黃金? (264)

過年前後睇左三幾本書,所謂温故知新也!陸羽仁本書最值得睇,各位親愛既股友如果對投資想深入 D 了解,睇陸羽仁最好,大既三、四個鐘可以睇完。其他兩本較為 Basic,我就嫌佢地有 D 婆婆媽媽,不過如果親愛既股友仲係覺得自已係 Beginner 水平,咁就速讀一下都無所謂,反正都係一篇篇既短文,可擇其有用部份而消化之!

陸羽仁【股俠創富II—鱷口偷金】 (563.509391 7412):本書嘗試探究散戶在進入股場時,要面對的種種心理陷阱,希望大家在投資前,想清楚自己是在「投機」還是「投資」,並能以合理的心態,在股市中搵食。股市是一個鱷魚潭,滿布本地和西洋大鱷,大家就要學懂適者生存之道,在這些大鱷口邊,偷一些黃金!

陳建良、粱凱同、曾駿傑【你敢問我敢答--財經拆局】 (563.5022 7513):本書以三十個「為甚麼」帶出遠超過三十個財經課題,內容分析嚴謹,論點新鮮,相信不論老嫩投資者也會從中得到啟發。本書是三位作者在財經媒體跟投資者見面的一個開始〔即係話三個都係無知名度既新仔咁解〕。

蘇偉文投資陷阱解碼】
(563.509391 4420):本書論及股評人、企業管治、評級機構、違規行為、停牌機制等內容,並談及一些投資啓示,不過本書係 2004 年寫既, D 投資啓示內容基本上可以不理,但可了解一下其分析的 Logic Reasoning

而家睇書免費有得借,借左發覺本書太悶又可以唔睇,基本上係
At No Cost 〔當然 Time Cost 係無得計啦〕!古語有云:「書中自有黃金屋」,但係得到「黄金」定得到「黄屎」基本上都係靠自已既!睇書同炒股唔同,「付出」同「收獲」一定係成正比既!

Je me répète : "ce livre est la lecture de valeur et le prix de temps pour cela est noble!"〔我重覆:陸羽仁本書最值得睇,付出左 Time Cost 都真係值得既!〕

點解我 加重語氣 時要用法文?因為人類對 唔多明白 控制唔到 既野特別覺得 有權威 可信性!所以咁多有知識既人都會去聽聽蘇民峰麥玲玲楊天命、或者睇相求簽拜佛信耶穌、又或者要用鬼妹
Model 穿住 D Fashion Catwalk,因為人類亦唔多明白點解 D 鬼妹可以將 D 咁鬼醜樣兀突既爛布掛上身行來行去!

Friday, February 08, 2008

2008 熊市到? (263)

升市跟住有人唱好,跌市跟住有人唱衰,係理所當然,意料中事!

近幾個月個市跌得咁樣衰,就有唔少人跟住唱衰及做指路明燈,主要離唔開「
美國衰退」同「大陸宏調」兩支歌!唱即管唱,但係我地可以做既野真係唔多!最多係 (a) 密切注視事態發展;(b) 密切注視資產狀况;及 (c) 密切注視如何增持現金比率!

不過,唱衰者除左
D 混飯吃既二流財經演員外,亦有 D 似乎無乜 Self Interest 或者用術數推測既評論者,都幾有趣!〔當然唔係話佢一定啱!〕以下係一 D 「唱衰」既 Other People’s Views (OPV) 供各位親愛股友齊齊參考!

施永青的BLOG:【美國經濟能不衰退嗎?】:事到如今,仍有人在爭論,美國經濟是否已步入衰退。我認爲答案已是明顯不過了,美國經濟正步入衰退,而且已不可能單靠政府的財政金融政策去扭轉敗局。投資者必須按新形勢重新調整自己的投資組合,否則無可避免會招致損失。

沈振盈
術數算港股,鼠年先揚後挫」:英皇證券研究部主管沈振盈表示,戊子鼠年「立春」八字為「群劫爭財」之局,容易出現財富大轉移局面,預期指全年走勢「先反覆後大跌」,情況比去年火豬年更慘不忍睹,高低波幅達13000點,料年中高見28000點後,便跳水式向下直插,至年底見15000點低位。

陸羽仁「下跌螺旋」:美國股市如螺旋式急跌,拖累港股都好難睇好,彈如又跌,彈完又跌再,這種市況買股票風險很高,網友入市買又好賣又好,只宜小注。

凡事總有兩面,歷史發展總有辯証,因此,目前處於一浪低於一浪既市況,雖然仍唔多似係熊市到,但亦唔可以只看到利好消息,又或者低估左「美國衰退」可以於「次按樣衰」後再來個「信貸樣衰」累全球街坊!

年初二,順祝各位親愛股友:身體健康第一、財務自主第二、行善積福第三、和諧家庭第四、事業順境第五、炒股就手...第六啦……!!!

Saturday, February 02, 2008

大市前程〔二〕(262)

必定要聽:林森池 1 Feb 2008 RTHK 論大市,有兩段,播完新聞後仲有,米聽漏!

林森池有好多
Fans〔我都係〕,「麟記雜貨」節目已馬上作了筆錄,你亦可用眼先看重點!

Accumulator 今期 i-Money 都講,但指出財經二流評論員錯估 2628 第四季盈利,林 Sir 係第一人!我信!

我聽完佢既節目,安樂哂!因為我知道左:
1〕今次「股災」己近尾聲
2〕而家真係滿地平貨,有錢唔敢買好笨
32628 941 係如今既千里馬〔長實及新地已成歷史〕,不要急,持有 4 ~ 5 年甚至 10 年,升幅可以倍計,e.g. 2628 2012 年可上 100 元;
4〕幫我重建宏觀視野,擺脫每日看股價既無謂行為。

聽罷,大市前程好似又在自已手中!

Friday, February 01, 2008

大市前程 (261)

無睇付費報紙己個幾星期,個人似乎更加「心朗腦清」!唔睇 D 垃圾推介及妖言,可以更專心睇書。天氣咁凍,陽光唔長,趁好春光尋好書。

有唔少
Blog 友既心得或操作,亦時常係我既 Good Reference。大市前程,眾說紛云;雨雪災損,保險賠付狀况如何,都值得知知:

「紅猴股評」 26 Jan 2008 回顧去年 8 月前,基金大户於 20,35022,500 附近儲了不少貨,除非他們想質跨大市,否則會力保這些盈利項目,此所以筆者於週二早提到 22,500 是一重要支持;若恒指跌至 20,350 的話,筆者會開始買貨,但若 18,700 也保不住的話,牛市便會正式結束!

陸羽仁 30 Jan 2008 四叔李兆基話,講股票講多咗之後,成日俾人問,搞到他無覺好瞓,所以今後要少講。但他昨日仍對今年上半年股市走勢作預測,相信第一季恒生指數會升上 27,000 點至 30,000 點;第二季則較淡,宜守不宜攻,可能調整 向下,但具體指數未有預測。他認為上周恒指跌至 22,000 點,屬跌過籠,在這個水平可以吸納。

陸羽仁 1 Feb 2008 美股會反覆向下,不會有股災式急挫,港股即使未見底,也不致有大股災。你問我信唔信,我都有六成信心

錢志健 28 Jan 2008 「勢先出,而後行」!策略是 Reactionary

2628 同學會 31 Jan 2008 三保險公司雪災賠付已超 2.6