Tuesday, June 27, 2017

陸羽仁拆局 (1675)

電視廣播 (511) 相關人士攪邊科..? 我水平低, 唔多知點分析! 好在有個陸羽仁, 以佢在傳媒嘅江湖地位, 以及線眼人脈關係等等, 佢嘅解釋, 應該雖不中亦不遠矣...!

 如果呢個第二大股東嘅入貨價平均都要 $40 以上, 今次攪局, 相信一定會用種種方法, 不擇手段, 陰招明招, 正手橫手, 都想將電視廣播股價炒上 $50 以上, 先有水位, 賺錢離場...! 如果佢離唔到場, 都一定會逼電視廣播派高息分錢, 例如派D起碼 $10 嘅股息, 先至可以補償佢做左第二大股東嘅多年損失...!

過去15年, 電視廣播都有一段日子股價在 $50 以上架..! 那在 2007, 2008, 2013, 2014 的日子, 因此, $50 以上唔係唔可能嘅神話...! 當然, 要有人信, 市場之內就一定要散播好多假話, 至會成功...!

自從2015年由近 $50 跌穿 $40 後, 2016 及2017年電視廣播都在 $25 至 $30 的平台之內上落, 而 $27.2 則是 三個月低位...!

陸羽仁都話... 投機吸納, 博有交打...!

我估計, 在 $28 至 $28.5 水平入貨, 將來可在 $35 沽出, 都有 22.8% 的利潤, 應該值得做吧...! 至於將來是多少時間, 可能半年至 9 個月時間, 應該有個結果吧...!

半年至 9 個月時間,分分鐘可以收多一次息...!

如果炒到上 $40 甚至 $50 以上, 當然是 BONUS 啦...!

問題係, 股票在手的各位股友, 是否心如止水, 絲亳不動, 不見 $50 絕不出貨呢..!?

如果有此能耐, 那就不應該買 511, 應該瞓身去買 700 啦...!


Thursday, June 22, 2017

基金做咩要買..? (1674)

電視廣播 (511) 嘅第二大股東 Silchester International Investors LLP 做咩一連3日用左 3680萬買入133.3萬股  511 呢? (即係平均價係 $27.6)




如果無著數, 呢個基金係咪好憨居...?

呢個基金仲係反對大股東用 $35 以上收購股票, 豈不是倒我米, 係我嘅敵人...?

不過, 佢又建議派發特別股息, 俾所有股東人人有份, 聽落又幾 make sense...!

Anyway,  總之, 無論 (A) 用$35收購; 或 (B)派特別股息, 都係有錢落袋, 而且應該都唔少...! 因此, 要買D 511在手, 至有得分...!

第二大股東用平均價 $27.6 買貨, 用呢個跟住做入貨參考價, 應該唔使 3個月, 便知有沒有...!

點解 3 個月...? 因為電視廣播 (511)一般在 5月及9月派息, 大概在 3月及8月有宣佈, 因此下一水應該在 8月會有消息公佈, 到時係龍係蛇, 自有分曉...!

而家 6月, 入定貨, 等 2 個月, 有結果吧...!

買股票 過日晨 (1673)

最近升市, 應該人人賺錢; 而賺錢就是正確, 因此所有人買的甚麼股票, 都是正確的選擇...!

所有人賺了錢, 自然信心爆滿..! 即使死魚最近都翻生不少, 股市好像愈來愈好玩了...!

不過, 我最近心情不太好, 兩個月不在香港, 因此沒有認認真真的去理會股票!

但我仍舊記得, 股票(做得正確) 總還是賺錢之道, 我也不會完全冷落它的..!

今晚, 心中想想, 在股票賺一點錢吧... 反正日日有些無聊..!

買買股票  過過日晨, 也好...!

考慮可以買的, 來來去去都是一些 "舊朋友", 因為沒有甚麼研究精神, 也沒時間:

(1) 電視廣播 (511) --- 上次公司按每股 $35.075 的回購方案仍未完成, 亦沒有說取消, 至於其間殺出一個收購小醜的事亦已落幕, 現在股價已經從 $35 跌回 $28.25 的水平, 原地踏步...! 上一水我 $27.5 水平的貨已經於 $33至 $34 間沽清, 現在看來, 又可以再炒下一轉了...!

我於 $27.70 開始再次買入 (不過已經無息收, 錯過了今次的 $0.60 股息), 現時RSI(9) 在 45.9, 如果股票一路急升 (unlikely 啦), 我都未必再加貨; 但如果回落到 $27.00, 即是 RSI(9) 都會跌回 30 以下, 那我就再一定加注了...! 人家講明 $35.075 回購, 現時只在攪好那些避免全面收購的工作, 我為何不混水摸魚呢..?

怕不怕..? 香港自從 TVB 在 1967年左右開台, 50年來有何敵手...? 無論市場總廣告費支出多少, TVB 總是吃大大份餅的那一個; 即使甚麼 new media 開始打殘 old media 的說法講到似層層, 只要想深一層, 便明白難道 TVB 只係死蠢, 只會捱打, 不會轉型麼..? New media...? 你識, 唔通TVB 唔識...? 要轉型, 搶市場, TVB 條件好過好多果D新加入戰場既 new media 啦...! 你睇 TV Super 一出手就知啦...!

(2) 中移動 (941) --- 個走勢幾合理...等RSI(9)至 30以下, 或者 $82.60 左右買入; 慢慢等 RSI(9) 上返 70以上, 到時大概 $87 至 $90 之間食糊, 多多少少都好, 有錢賺就得...!




Saturday, June 10, 2017

舊朋友 心緊扣 (1672)

自從 2008 年在多倫多深度探索 21天一別後, 今次回去, 已是 2017年了...!

轉眼又九年, 對呀, 又九年了...! 

雖然不是山中方十日, 世上幾千年的誇張, 但心中仍總難免浮起 "春花秋月何時了, 往事知多少..?" 的傷春悲秋...!

香港群魔亂舞, 不忍卒睹, 春花秋月何時了...!

前塵舊事, 有可追的, 有不願提...! 人生苦短, 沒有死亡的永恆, 那懂生命的匆匆..!

九年沒見的朋友, 2017年都給我全見了..! 感動..! 感慨...! 感受到..!

人生有真正朋友...!  真好...!

不是共產黨那種 "歷刦風波兄弟在" 的滿口熱血, 只是摸著 Tim Horton double-double coffee 杯底的細說道來..!

心連心, 你我亙相仍在心中, 友誼沒被時光沖蝕, 多難得..!  只等機會一到, 心中洪洪烈火便爆發出來, 井噴不絕...!

舊朋友, 心緊扣, 願你好好去保留...!  一個一個原來已經發生多年的故事, 陸陸續續, 終於在 2017年讓我也知悉了!

感慨萬千...! 家家有本難念的經...! 誰人願意重提遺棄離婚的傷害; 誰人願意回顧生活經濟的不堪; 誰人願意檢視段段委屈與無奈; 誰人願意心如刀割細訴至親愛友的生離死別...!

感謝你...對我的信任...! 感謝你...! 願意亳無保留的與我分享, 願意將內心最深處最隱藏的痛苦披露出來, 讓世上仍舊有人可以了解你堅強背後的傷痕, 讓你使我感受到作為你心緊扣舊朋友的溫暖...!

你肯定了我, 我安撫了你...!

你們一旦知道我有回加長住的意念, 馬上不約而到的向我展示加拿大生活的美好, 社會的和諧, 福利的吸引, 人性的價值, 人際的尊重, 以至湖光山色的塊麗, 超市購物的樂趣, 多元美食的知味, 恨不得見到我明天就拿背包上機...馬上歸隊回到 Toronto..!

好窩心呀...! 好感動呀..! 香港人, 有這樣子的友誼麼..? 有這樣子的真誠麼...? 有這樣子的主動熱情麼...?

不敢說沒有, 在香港就沒給我遇上...! 但在加拿大, 在哪個城市... Toronto... Calgary... Montreal... Quebec city... Vancouver.... 卻都總給我遇上...!

香港..? 不要說是朋友, 即使是親人家人, 也沒給我遇上真誠.. 也沒給我遇上主動熱情..! 香港人, 逢人只說三分話, 親人家人也如是吧...! 因此, 我姐姐搬了住在哪裡, 她沒告訴我;  我哥哥的兒子在做甚麼工作, 他沒告訴我; 我姐兒子娶了老婆後搬了住在哪裡, 她沒告訴我; 今年清明究竟去不去拜山, 沒有溝通; 農曆新年見不見面團拜團拜, 沒人出聲...! 這樣子就是香港的狀況...!

或許, 這樣子只是我個人獨特的情況, 人家或許親人家人都是甜如糖蜜吧...!

知道我真的動了心, 想回加拿大了, 舊朋友們, 一個二個都不用我問, 主動出謀獻策...

"Alton towers circle 那裡租金比較便宜, C$1,500可以有三個大房, 而且水電煤網全包..."

"Downtown Markham 是好區呀..! 33萬左右可以買到一房, 50萬樓下可有兩房... 這區將來發展不錯, 有 GO train, 有 York University 校舍, 可自住亦可出租, 進可攻退可守...."

"初來步到, 時間好多, 可以找D散工賺D買菜錢, 而家做 babysitter 好搶手, 最多可以帶 4 個小朋友, 唔使攞牌...!"

"你有專業資格, 又有加拿大 McGill 學歷, 大把工可以去做...! 而家 York Region 間 CAS 好想請D識講中文嘅人, 可以去試下啦... 人工OK架... 一年 $75,000 至 $91,000..."

"加拿大 65 歲後人人可以有 Old Age Security 及 Guaranteed Income Supplement , 只要每年不賺錢多於 $17,000, 政府就每個月有 $1,100 派, 如果自己已經有屋, $1,100 足夠可以養老啦..."

"如果唔想買屋, 可以申請政府老人屋, 大概 8 年至 15年左右可以排到, 到時只係月租大約 $300, 就可以住過世.....!"

"Ontario 醫療真係好, 費用全免, 除左入境要等90日辦手續之外, 以後有病有痛, 入院修理, 政府全包...! 特別係長期病好似洗腎, 心臟, 糖尿, 癌症標靶藥等; 如果在香港長期支出, 保險未必包到, 真係醫藥費都可以破產... 在加拿大就好得多....!"

嘩! 嘩! 嘩!... 太感動了...!

都是一些我渴望知道的信息..! 都是一些可以幫我重新開始的重點...! 好溫暖..! 我知道了, 在你心中, 仍然有我....!! 在我心中, 亦仍然有你...!

闊別九年, 仍舊可以心緊扣, 多謝高錕教授的光纖, 多謝免費的 whatsapp....!

舊朋友, 心緊扣, 願你好好去保留...!



Wednesday, June 07, 2017

找個城市 (1671)

除了仍會間中看看香港股票發生甚麼事情外, 最近的一個星期, 精神時間都花在... "找個城市"...對! 找個城市, 回去加拿大居住...!

加拿大我當然不會陌生, 主要的大城市都去過或住過! 但是, 如果真的要 "找個城市" 去住住, 竟然發覺... 很多城市都想去住, 很多城市都有吸引我想住的因素; 但同時卻又發現, 每個想去住的城市, 卻又都總找到不想去住的理由...! 

好有趣的一個人生大 project, 再次上路; 又是好矛盾的一個尋找及選擇的過程...!

一如股票, 開始尋找時當然是大包圍...! 考慮了好多有興趣去住住的城市....

Toronto... 最多朋友, 最熟悉的地方, 最好吃的港式茶餐廳, 流口水了....
Montreal ... 迷人之城, 浪漫之城, 回憶之城... 多少愛, 盡在腦海中... 法語...多美...
Calgary... 尋找平靜的人生, 安寧的生活, 與世無爭之城, 追蹤恐龍之夢...
Vancouver... 通街廣東話, 四處黃面孔, 沒有雪的天地, 可以人居之處...少有...
Edmonton... 好多人說好的地方, 我從未見到優點之城, 便宜...? 罪惡之城...?
Kingston... 寧靜美麗, 風景宜人, Queen's University校園, 人與人的親切....
Quebec city... 歐洲建築, 法語文化, 遊人天地, 物價廉美, 天寒地凍....
Ottawa... 官城美態, 政治中心, 繁忙寧靜, 平常淡薄, 唐人街???的城市...
Cornwall... 想想想, 有可能, 但是為何仍然Ontario...?
Trois-Rivieres...世界上仍舊有加幣60,000一間屋之地, 好想買屋, 好想去住....
Victoria...誰人不知道它美..? 誰人不知道它貴..? 可能的話, 住它3個月或半年...
Banff... 怎能忘掉那個溫泉? 寒冷的天侵犯不到泉下的暖..! 但是, 有好東西吃麼...?
Canmore... 難忘晨曦夕照rocky mountains近在眼前的震撼...? 但Main街卻何等靜...
Jasper... 只可遠觀, 不可近住, 可有離家遊子人生過客, 真會樂而忘返...?
1000 islands... 買個島... 建間屋... 送給愛人..! 好浪漫呀! 真有此事呀...但主角不是沒錢的我...
Brampton.. 重回舊居... 那段又幸福又淒美的日子.. 還有豬肉佬? 醉酒佬麼..?
Guelph... 要扮演學生麼... 在校園區內遊走..! 可以浪費生命走去唸個 PhD 麼..?
Kitchener... 好麼? 只要1-1/2小時車程就可以吃強記雞粥...遠麼? 但租平呀...
Windsor... 這麼近...那麼遠...! 想日日過美國麼? ..美國...不是我杯茶...討厭...
Georgina... 這個可是8年後要去的地方...York region...30%市租的 social housing...住唔住...?
Barrie... 過度一下, 可以麼?...不外是1-1/2小時的車程...東西南北沒關係...
Ajax... 怎麼樣的 Lake Ontario...我們永遠的念念不忘... 三車門的 garage...冷冷的風...暖暖的心....
Kingston... 中迷島的好地方...愈遠愈矇矓, 愈近愈迷糊...可以..向左走, 向右走....
Oshawa... 如果 Markham 是圓心, 那麼 Oshawa 只是一個小圈圈....很小吧了...
Yellow Knife... 不要開玩笑吧.... -40c 溫度....想死麼...北極光...去電腦看啦....
PEI....夏天走走東三省, 食食龍蝦三文魚無所謂...要長住...你去啦....!
Manitoba 及 Saskatchewan...路過經過, 唔好錯過...Winnipeg, Sasketoon...村長個女...你愛....!

 
歸去來兮...  情歸何處...?

Thursday, June 01, 2017

歸去來兮 (1670)

2017年6月1日, 我又回到了我出生地... 香港...!

去了加拿大兩個月, 按照計劃, 跑了多倫多及卡加里兩個半馬拉松賽, 順利完成...!

去之前報名時, 充滿喜悅期待; 到了賽事之日,心中只是淡然...!

說實話, 發生了的事情, 已經令我興趣索然, 沒有什麼 mood 去跑了... 雖然, 我仍舊熱愛跑步..!

今次的事情, 總會過去, 總要接受, 總會淡忘...! 

我人生的路仍舊要走下去....!

我做了我想做的事, 心中已經無憾...! Come praise or come blame... we hold our hands high...! 

人, 誰無偏見...! 人, 誰無主觀...! 但是, 在我心裡, 只有愛...! 我盡我所能, 做了我認為對的及應該的事, 至於受者是否感覺到, 是否欣賞, 是否感激, 都不重要...! 我不是做給人看的, 我也不是做了要人感激我才開心..!

我只是, 在無可奈何之下, 在我心淌血之中, 在親情愈去愈遠之際, 做一些安慰自己的事情而矣...! 仔細分析後, 清清楚楚可見, 什麼事情不可代替..? 有誰人必須要存在...?

都沒有....!

時間到了, 兩個月, 我要消失了...!

此次一別.... 永別了....!!!

去了加拿大兩個月, 見了好多朋友...! 都對我說: "... 回來加拿大住吧....!!!"  "... 回來加拿大住吧....!!!"  "... 回來加拿大住吧....!!!" ... 響個不停...!

以前我聽都不聽的說話, 今天, 今次, 我卻真的心動了....!

香港, 除了股票, 還有什麼值得留戀...!?

自從高錕教授用光纖改變了世界, 炒股票還要留在香港嗎...?

我用心思考, 香港真的沒有值得留戀之處..! 沒有...!

反而大陸, 我很喜歡去遊遊玩玩...! 做做大爺的感覺, 很好...! 很好...!

真的心動了....!

"... 回來加拿大住吧....!!!"

今年, 仍有事務在手...! 動不了....!

明年吧....!  好好安排, 2018年.... "... 回來加拿大住吧....!!!"

香港... 每天的政治新聞, 真的噁心...!

我有加拿大護照, 要走要留, 是我的主場....!

只是想不到, 今次去了加拿大兩個月,竟然真的心動了.... 決定了回加拿大 for good....!!!!

歸去來兮...!  歸去來兮...! 
歸去來兮...!  歸去來兮...!