新工具, 新玩具 (1737)

股市千變萬化, 要捕捉機會各有千秋, 最近買了天匯的Powerticker, 用作尋找入市及出市指標, 經過了三個月的學習, 現在已經開始有些心得了...!!!

開始了用真金白銀入市, 看看成績是否有所改善...!!!

否極泰來…? (1733)

大家樂 (341) 過去三年, 經歷了兩番潮起潮落, 很有趣！它先在2015年由28元跌到20元 , 2016年由 20元升回 28元 , 2017年又由28元跌到20元, 現時 2018年2月中了, 仍舊在20元水平徘徊。

那麼, 在 2018年大家樂是否又會由20元升回 28元呢？

升跌總有緣故理由, 事過景遷卻成雲煙！因此, 過去的不用追查, 未來的卻可猜想…

大家樂現時跌到20元邊, 當然有不少的不利因素才如此；而在不利因素之中，又是否已經暗含了「否極泰來」的利好條件呢？

(1)   目前在 20元邊已經是大家樂的三年低價, 業績是否還可以再衰？2017中期利潤減少、華東分店去年10月全線結業、員工成本工資上漲、分店被爆冰塊大腸菌含量超標…這些不利因素是否都已經全部反映了在股價？

(2)   雖然大家樂華東分店全線結業，但退守廣東後仍舊有99間分店，內地大家樂仍佔全部收入的12.4%。華東分店全線結業，將不能賺錢的分店關掉，其實是否更明智之舉？

(3)   大家樂於2017年下半年，在香港仍增開逾10間分店；

(4)   技術上，大家樂 RSI(14) 是 22.71，反映已經進入超賣區，有反彈條件；

(5)   CEO羅德承於2月12日及2月13日兩天分別各增持 120萬股 (即共240萬股)，平均每股是 20.6779元及 20.72元。反映了 20元水平, 連CEO羅德承都覺得「可以買了」；

(6)   2017年12月22日的德銀報告，維持大家樂「持有」評級, 目標價 24.5元。

總結:

20元買入，第一目標價 24.5元 (22.5%)，第二目標價 28元 (40%)。

時限: 2018年底

再反彈... 又到沽貨時...!!! (1694)

後記:

今天有事外出, 唯有一早 set 好沽出價 $6.85 (昨日收市 $6.74) 算了..!

11:00 AM 見到升勢凌厲, 知道 "出事了"..!

馬上想用手機改盤, 誰知我的老爺手機又無 wifi, 又 log-in 唔到, 又錯 password, 攪到 11:30AM 知道大勢已去, 返魂無術了...!!!

最後當然 "順利" 以 $6.85 沽出, 足足 "賺了不少錢"...呵呵呵呵...! 下午,939不停升,3:30PM已經升到 $6.94....無符...!!!

不過, 賺錢少左, 仍舊比輸錢好得多...!!! 而且, 大家都明白, 錢係永遠賺唔曬嘅...!

===========================================================

之前在 Blog 1689 估計個市都係 "回調反彈... 再回調再反彈..." 的格局...!!!

之後, 買入左些少 建行 (939), 希望見到 "再回調再反彈...!" 如今看來, 有D似啦..!!!

明天, 如果建行(939)到位, 即是 RSI(9) 去到 70 或以上 (如今係 65.8 啦), 我就沽出收錢, 完成這個 "回調反彈... 再回調再反彈..." 的 part 1 及 part 2 的賺錢 cycle...!

會唔會有 part 3...?如果有, 可以再玩多轉建行都得噃..!!!

回調反彈.. 再回調再反彈.. (1689)

回調... 反彈... 再回調... 再反彈...? 對嗎? 同意嗎? 相信嗎?

現時市況:
(1) 股災...? 不會吧...! 只是回調...! 頂多跌到 26,500~27,000 吧..!入市好機會..!
(2) 狂牛...? 不會吧...! 只是反覆向上...! 而且要看個別股票, 有強有弱...!
(3) 又不升又不跌...? 對呀...! 上落市呀...!
(4) 做咩好...? 就炒上落市啦...!
(5) 走勢..? 仲係在上升通道之上, 一跌到通道底就反彈...! 好安全呀..!

上次Blog 1687我說回調正是入貨時, 有咩好買...? 最後我買左建行(939)及中行(3988), 好似穩陣D...!

我只買左少少...! 老實講, 大家都炒股多年啦, 知道炒上落市只係貪小便宜, 唔係食大茶飯, 所以都係考眼光, 多過入去博命...!

結果, 中左...! 回調... 反彈...!

由於只係敢買少少, 結果反彈時沽出, 賺左少少 (成績只係勉強叫做有 5位數字)..!

唔夠 3 日, 又來第二個round...! 我估又係再回調... 再反彈...的格局...! 

唔夠 3 日,買咩好..?  我第二次都係買建行(939), 貪佢升跌都夠快...!

RSI(9)現時 44.6, 我貪快, 已經入市...! 其實有耐心者, 等到 30以下至買, 贏面有90%...!

再跌到 RS(9) 少過 30 的超賣時 (大概 26,500吧), 我或者會再買入一注建行, 拉低D入貨位...!

而我指贏面 90% 係指贏 3% 至 5% 小利, 唔好諗大茶飯住...!

回調正是入貨時...! (1687)

恆指升左咁耐, 終於等到今次有D聲勢嘅下跌...! 會唔會係大股災..? 相信現在市況, 無人會覺得係股災...! 我估 99.9% 嘅人認為今次下跌, 只係 "健康嘅調整" 吧...!

因此, 回調正是入貨時...!

有咩好買..? 好多啦...!

股王騰迅(700), 如果跌到 $290, 係咪可以買呢?
建行(939), 如果跌到 $6.00, 係咪可以買呢?
中銀香港(2388), 如果跌到 $35, 係咪可以買呢?
港交所(388), 如果跌到 $190, 係咪可以買呢?
匯豐銀行(5), 如果跌到 $70, 係咪可以買呢?
吉利汽車(175), 如果跌到 $14.50, 係咪可以買呢?

但係, 恆指要跌到幾多, 上述股票至可能跌到呢D買入位呢..? 真係難講...!

有人話, 如果恒指跌到 26,000, 到時入貨應該安全D...! 聽來有D道理...!

有人話, 如果恆指企穩 27,600, 就有機會上 28,600, 甚至上 32,000, 甚至上40,000, 甚至上XXX...!!!     

上到就上啦...!

ANYWAY....  回調正是入貨時...!  相信仍舊係今次大時代嘅投資策略吧...!


 

鎖定利潤 (1683)

今日(2017年8月3日)恆指最高 27,601, 已經升不回前一天的水平, 收市 27,531 比昨天下跌 76點, 成交 855億, 沒有大成交, 今天最低 27,399 穿了27,400, 走勢圖形勢亦是高位十字星, RSI(14)是75.42, 超買十分明顯, 至於是否 "超買後仍舊可以超買", 如果你是相信這一套的樂觀者, 那麼你就自己信到夠吧, 我祝你好運, D錢自動不斷入你袋...!





































我一直相信的恆指短線目標是 27,651, 之前一兩天已經到位了...! 現在, 應該算是回落方向了...! 如果仍舊相信 28,000馬上到達, 那是樂觀派; 如果相信馬上見頂回落去 27,000 (或以下), 那是悲觀派...!

現時在 27,531 的中間水平, 其實做樂觀派及悲觀派都可以; 圖表派間中可以有參考作用, 但圖表派更多時候並不準確, 因此信不信圖表, 因人而異...!

不過, 我既不是樂觀派, 亦非悲觀派, 我是個賺錢派...! 只要是可以賺錢的做法, 我便去做了...!

雖然賺錢沒有最多, 只有更多; 但是如果有錢不賺, 那麼袋中的錢沒有最少, 只有更少了....!

今天因此行動一下, 鎖定利潤...!

沽出了一批股票, 鎖定利潤...! 利潤不是很亮麗, 不過以往太懶太慢, 對上上落落的股票價位不太理會,因此吃了不少眼前虧...!

今天, 按孟子說法, 莫為善小而不為, 一於莫為賺少而不為, 沽之大吉, 鎖定利潤...!

牛市進行中 (1525)

好多方法都可以用來解釋或者判斷大市是牛是熊, 準不準確當然一定要事後孔明, 世上沒有太多劉百溫!  

我今天隨便找兩個方法看看, 發現目前似乎仍是 “牛市進行中”, 假如當真, 那目前的確是入貨的一個不錯時刻(如果你無貨)!

 (1) 十年的月線圖中的10月跟20月線交叉位, 大抵上可以理解為牛熊交叉位的一個指標(信不信由你)! 直至目前, 兩月線都未相交, 只是一直向上走, 因此可以說仍是 “牛市進行中” 吧! 

(2)人人看的曾氐通道, 大市在 10.11位置, 位於75%樂觀線(10.26)及75%悲觀線(10.01)中間, 即是之前的升市至75%樂觀線已經玩完, 但是大市其實距離75%悲觀線仍然很遠, 因此不用走在指標之前而太早悲觀! 

(3)近幾個月的成交量比平均多, 意味好多人沽亦好多人接, 市場有沽有接, 即是未玩完吧!  

基於以上看法, 目前似乎仍是 “牛市進行中”, 那就可以放心去旅行遊玩了!  

希望今次跑得無痛而回!

已經抵達75%樂觀區(1517)

按照曾氏通道計算, 目前恆指28,442點 (10.26), 已經抵達及超越 75%樂觀線 (10.24), 換言之是有可能回調一下的!

當然, 世事無絕對, 現時的資金推動市, 好難用理性推斷, 技術指標因此亦只是用來參考一下, 提高每個人的警覺吧!

回看過去20年, 曾氏通道曾經有 6次超越 75%樂觀線, 之後繼續向上並可觸及 95%樂觀線竟然有 5次之多, 當中大幅度超越 95%樂觀線的更有4次, 可以說次次都是大牛市!

但是, 5次大牛市後回落次次都沒有好結果, 當中更只有一次向下狂跌而能夠止於75%悲觀線的, 而其他 4次都是跌到血流成河, 可以遠遠一直跌穿 95%悲觀線仍不停止!

2007至2009的股災便是最近的一次, 但也已經是8年前的事了!

因此, 我總結:

(1) 今次勁升,  超越 75%樂觀線, 好大機會只是一個大牛市的開始,亦是發大達的機會;

(2) 目前已經是 28,442的七年高位了, 但如果相信 曾氏通道, 目前應該是全力瞓身買入股票, 而不是沽出持有了七年以上的蟹貨;

(3) 相信以上(1)及(2)的人只有兩個結果, 一是發達, 一是仆街;

(4) 不相信以上(1)及(2)的人, 好難發達, 但卻一定可以保障目前已經擁有的資產;

(5)決定買入或沽出, 好視乎你目前有多少身家(即是仲需唔需要炒股票), 以及你有多貪心(即是你有多蠢);

(6)所有股票應該在曾氏通道超越 95%樂觀線後的若干時候, 分批全部沽出, 套利離場;

(7)離場後應該一至兩年內不要再看股票, 徹底離開, 避免因為貪心再入場而輸錢;

(8)套利回來的錢, 可以收息, 可以旅行, 可以做善事, 可以送部份給我, 但一定不要買股票, 以及任何跟股票有關的產品, 甚至任何的投資, 因為牛市之後就是股災及熊市, 任何的投資都不會容易, 事倍功半(當然唔排除在地產市場可以有負資產既物業任你選購), 亦因此最好只去看電影, 看話劇, 看風景, 看女人, 看帥哥, 看六塊腹肌, 看原裝正版無添加既媚娘范冰冰, 但一定不要看大利市機;

(9)如果想活得更長命, 生活質素更好, 更應該將賺來的錢去做身體檢查, 及進行具預防性及補救性質的醫治, 例如高血壓, 糖尿, 高膽固醇, 大腸息肉, 子宮肌瘤, 視網膜, 肩周炎, 補牙洗牙植牙, 膝蓋關節痛, 長期便秘, 脫髪植髪, 內分泌失調, 前列腺脹大, 停經後雌激素失調, 脂肪肝, facial, spa, massage, physiotherapy, 針灸, 推拿.... 以上種種檢查或治療, 都是無財不行, 絕對絕對無財不行的!

(10)大家都聽過, 也都明白, 我們都曾經要用健康身體來拚命賺錢, 到了賺到錢時, 卻要將錢用回去買健康身體的各方各面, 沒辦法, 人生就是如此可笑的了!

(11)但如果賺到了牛市錢的你, 又不做善事, 又不給點我, 又捨不得用在自己的身體健康上, 那麼, 你還可以算是人嗎?

渣打跌沒完? (1478)

主觀願望是渣打跌完了, 重拾升軌。

《經濟通通訊社2014-10-22專訊》渣打（０２８８８）未受瑞信降目標價拖累，現價反升２％報１３７元，現成交達５４萬股，涉資７３１５萬元。

一直沒多留意渣打的消息, 跌甚麼? 

網上終於找到種種負面消息, 似乎洗黑錢是最近下跌的重要原因, 因為業績其實都仍舊在賺錢: 

「渣打（２８８８）反洗錢風波未了，或面臨阿聯酋客戶控告

《經濟通通訊社2014-10-22專訊》渣打集團（０２８８８）反洗錢交易監測不足風波未停。渣打早前與紐約金融局達成和解，除需支付３億美元罰款外，亦要暫停部分小型企業客戶提供結算服務，影響香港及阿聯酋部分中小企客戶。

阿聯酋央行表示，渣打或面對當地被取消戶口客戶採取的法律行動。《華爾街日報》引述阿聯酋央行估計，渣打當地約１４００至８０００客戶或受影響，由於這些企業東主因帳戶被結束可能受到實際及道德損失，或向渣打追究責任，當地消費者保障組織已準備接受及考慮投訴。

報道又引述渣打發言人表示，留意到阿聯酋央行的公布，該行一向與監管機構合作，以達致最適當的做法。」

看來, 仍舊要等阿聯酋的官司落幕, 渣打才有運行。

那麼, 不去想渣打股票, 只去想渣打馬拉松吧！