其實而家街頭巷尾個個都賺緊錢, 豬狗都係股神, 買咩股都無咩所謂, 亦唔需要研究, 甚至唔需要用腦...!
不過, 我買股票偏偏係要搵D理由來convince自己, 先至會心安理得 (但以往戰績亦唔見得好得去邊), 講出來似乎係有D心理變態...!
無錯...! 今日個市跟紅頂白膽大無腦係常態, 考慮多多貪生怕死穩穩陣陣係心理變態...!
所以, 心理變態呀...! 不妨甘比同大劉都去支持下啦...!
華人置業(127) 走勢都在 $12.5 及14.5 之間上落, 但它經常會失驚無神派特別股息, 如果跟紅頂白 timing 好, 食到正都幾和味..! 不過, 華人置業例行公事係派息前炒高, 派息後跌餐死, 因此如果在炒高後買入收息, 隨時得不償失...! 但係, 如果在年中比較低D位置買入後死等, 有時會有意外驚喜...!
在2018年1月, 好有可能華置又會宣佈派發特別股息, 看看過去記錄,華置在 2017年1月派 $2.00 特別股息, 2016年1月派 $2.00 特別股息, 2015年1月無派, 因為應該係提早左在2014年12月派左 $4.00 特別股息, 如果以目前市價 $13.12計算, 特別股息都幾和味..! (2017=15%; 2016=15%; 2015(2014)=30.5%)
而以上, 都只係講一年中其中一次的特別股息, 仲有其他非特別股息的較少派息..! 我估計因為甘比同大劉本身 hold 左大部份股票, 所以派息都係自己袋返入自己袋, 所以多多都無所謂, 益返自己...!
我想混水摸魚原因如下:
(1) 2018年1月快到, 希望又會宣佈派發特別股息, 通常都幾和味..! (15%+, 係銀行0.01%收息的 1500倍);
(2) 之前甘比大手買入恆大(3333), 仲打開口牌話明升到好價錢會沽貨, 賺到錢會考慮派息; 恆大最近升到膨膨聲 (上到 $32.5 高位才回落至目前 $29.2), 甘比D高手點會唔識在高位逐D逐D獲利回套呢?
(3) 華置在 $13.12 的水平, 應該係近一個月的低位, 會否再跌下去 $12.50...? 點知..! 但我認為買入第一注博博是可以的; 如果見 $12.50, 唯有買埋第二注啦...! 不過, RSI(9)跌到近32, 我覺得超賣到差不多啦...!
(4) 如果以往派 $2.00 計算, 派息前會先炒返上 $2.00, 即是升返上大約 $15.12, 若然如此, 到時才決定沽貨定收息, 睇下邊個做法好D...!
(5) 華置因為係大股東控制大局的股票, 因此, 剛才分析的情況, 出現的可能性較大, 因為無咩人可以攪亂局 (唔似 TVB (511)的大股東回購, 仍然節外生枝, 不過我相信 511 總會升上 $35 的日子, 而且不會太耐...! TVB如果在 $28 以下, 我仲想買D...!)
No comments:
Post a Comment