我用左好多年膠樽裝凍水飲，最近至知道，部份我用緊 D 膠樽原來係有毒既！不過可能未發出來住！
大家一定都聽過盧冠廷既故事，佢就係對呢 D 毒素特別敏感既人，差 D 無命！我地或者無盧冠廷對呢 D 毒素咁敏感，但毒素即係毒素，日子有功，有朝一日突然出現怪病至去醫就恐怕太遲啦！
簡單來講，每個膠樽樽底都有個 Recycle 既三角形符號，內面有個 Number，由 1 到 7，代表住膠樽用不同既物料造成。七種之中，1、2、4、5 四種可以用，而因為 1、2 理論上只係應該用完一次就要棄置，所以 4、5 至係可以用及最好！ 至於 3、6、7 既物料則會釋出有毒物質，溶在水中，吸收左就對健康會有多種害處！
可惜， 4、5 既膠樽唔係好多、亦唔昜揾，Microwave 膠盒就有 4。我研究完之後，都係決定以後改用玻璃樽好啦！
各位親愛既股友，為左你既健康著想，我請你快 D 去 Check Check 你屋企 D 膠樽安唔安全啦！或者，係時候改用玻璃樽啦、好嗎？！
詳情請參考以下文章：【Smart Plastics Guide Healthier Food Uses of Plastics】。
No comments:
Post a Comment