對於深夜口吐鮮血 25ml事件, 教授牙醫聽後看了傷口一眼, 淡然說: “傷口又睇唔到播”! 跟著又問: “係咪 2.5ml 呀?”
我俾佢吹脤!
於是加多兩分肉緊繪影繪聲描述口吐鮮血慘況, 當夜一吐之下, 血花如何四濺, 廁板廁蓋水箱都滿佈血跡, 如何恐怖, 吐血量一定足足有 25ml, 絕對沒有打苦頭!
教授牙醫聽後, 又淡淡說: “啊! 是正常的!”
“吓! 吐到一地血都係正常?”
教授牙醫於是專業地向我講解, 由於植骨初期, 微絲血管在生長中, 如果擦破了是有出血情況的,
而且, 將來亦可能會再流血的!
唉! 即是話, 我流血是應份的, 那我流的血算是白流了!
既然如此, 跟生死大事無關的流血, 那就不管它了! 一於再次上路, 再次跑步了!
今天, 似乎有點冷, 12度左右吧, 穿上戰衣, 出發!
在寒風中慢跑, 也是一種樂趣! 跑了起來, warm up 了, 那就剛好, 既不太冷, 也不出汗, 慢慢地跑, 既不喘氣, 也不疲倦, 跟兩個跑友邊聊邊跑, 迎著已經不覺得寒冷的風, 遠眺吐露港小島拍岸的浪花, 心情感覺好平靜!
跑友邊聊邊跑在談論退休生活怎才可以舒適, 大家都同意應該:
(a)要做候鳥, 冬天搬到一個溫暖點的地方住兩三個月, 理想地點是 hawaii (治安好), Sydney(唐人多), Brisbane(城市靚)或 melborne(據說好) 等, 至於 singapore太過 boring又太熱啦, 海南島是大陸地方, 靠唔住, out of
question啦!
(b) 要在當地有朋友, 可以吹水結伴過日晨! 飲杯茶, 食個飽, 打打牌, 唱唱歌, 指點江山, 激揚文字, 鬧呢個鬧果個做做維園亞伯亞姑又一天啦!
其實, 美國佬天冷going south就當然係 florida啦, 香港 going south就真係要跳海至得啦!
Anyway, 今日主要係跑步, 而且, 據教授牙醫講法, 即使跑到口吐鮮血, 都 “啊! 是正常的!”
因此, 無有怕! Keep running啦!
No comments:
Post a Comment