搵你老襯(1457)

玩政治, 從來係搵你老襯！精人出口, 笨人出手！

今次佔中運動, 本來的鬥爭策略, 就係佔中亂港, 破壞經濟為主要手段。佔中身穿黑衣的年輕人在電視前面仲好有見解地大大聲分析: 「就係要攪到香港秩序大亂, 經濟重大損失, 政府運作癱瘓, 那才對梁振英有壓力哇！」

大學教授果然名師出高徒, 將政治學的不擇手段及非道德策略活學活用, 亦將公民抗命精神發揚光大！

唯一考慮不足是: (a) 高估了自己以為在全港有好多支持; (b)低估了香港初期沉默的大多數市民都仍舊是好理性的！

因此, 大學生一開波就高叫「無限期罷課」, 顯示了鬥爭策略的無知; 而跟著呼籲全港大罷工大罷市大罷課, 亦只是「已有立場者」支持, 例如教協, 社工工會等人, 其次是容易被搵老襯頭腦比較簡單的中學生, 因此亦有若干中學生的學生會響應, 而作為教育的師長一般都很寬容, 都會跟學生會商討, 然後在家長簽了同意書後, 開放禮堂及一些班房給部份學生罷課, 合法偷懶。

但是, 玩政治, 從來係搵你老襯！而那些精人的出口, 從來反反覆覆。

例如教協幾日前做了一個極左的盲動鬥爭策略, 呼籲全港大罷課, 當時配合催淚彈後的民意, 以及好多英美政府的說三道四, 好像英國又說考慮不做香港政府的催淚彈生意, 連我一向尊敬的彭定康也發聲支持學生運動, 美國也好像香港是它的領土出到外交國務層次表示支持香港爭取universal suffrage。一時間, 教協仲以為自己的極左盲動鬥爭策略做對了。

可惜不夠幾天, 民意已經回復理性, 開始質疑這些激進行動是否必須。好多校長都出聲反對混亂下去, 要回復正常教學, 好多家長開始擔心子女的成績, 特別是考DSE那批中六生, 如果「玩創左個心」, 唔知點收科！

最慘係美國佬錯判形勢, 一開始時大大聲扮正義支持佔中學生, 唔夠幾日就知衰左, 美國《華盛頓時報》報道，佔中活動踏入1星期，華府有人指控奧巴馬政府不敢支持香港佔中民眾。而外交界指出，奧巴馬所以迴避，因為有地緣政治的考量。美國《紐約時報》亦發表分析文章，引述一名華府官員表示，美國不希望近期香港的示威活動，影響中美關係。文章表示，自從六四事件以來，人權問題在兩國對話中一直不是主要話題，華府只希望在氣候變化到遏制伊朗核計劃等事項與中國合作，而兩國官員都希望保持這種狀態。這名官員又表示，白宮無意改變總統奧巴馬下月訪華的計劃，不過他們正研究一種最佳的方法來表達對香港抗議活動的擔憂，避免影響兩國關係。

發展到此, 美國佬突然搵你老襯, 講到明唔再支持, 不希望近期香港的示威活動，影響中美關係。

因此, 教協馬上謝曬, 唯有衰到立時褪軚及搬龍門, 大叫支持明天復課, 証明極左的盲動鬥爭策略的錯誤。

玩政治, 從來係搵你老襯！所以一條心前幾日仲響應教協罷課的中學生, 應該上了一堂好好的公民教育課, 知道「玩政治, 從來係搵你老襯！」

精人出口, 笨人出手！下次, 唔該學識點樣做精人, 唔好做笨人出手啦！