人棄我取 (1560)

市場上股票總有升有跌, 股友們亦總有喜有悲, 要在人家貪心時候恐懼, 人家恐懼時候貪心, 說來容易, 守律者難!  Anyway, 簡而言之, 做到人棄我取的功夫, 在股票市場中就可以生存下去, 仲有閑錢可以遊山玩水!

Walter J Schloss 話在股票最近幾年低點買入是很有用的, 即是所謂跌無可跌 (其實當然不一定, 仲有好多考慮, 例如 P/B, 派息..), 但風險怎麼說也一定會細D, 係好明顯的事! 股票跌到低點, 當然不會是好消息, 最近總有一些, 例如:

(2016-07-15) 巨騰國際(3336) 發盈警指，因全球筆記本型電腦出貨量下滑導致集團銷售收入下降，以及推新產品開發費用增加及下調整體產品售價維持市場份額等，導致集團毛利率下降，預計中期盈利按年大減。該股今早創近四年低，最低見2.41元，現造2.44元，急挫16%；成交激增至1,272萬股，創逾一年高。 

巨騰國際(3336) 的 P/B 是0.416, 息率 6.17% (不過27-5-2016已經派左息, 而且一年派息一次, 如果唔持有一年, 即係等於無息股), RSI跌到 18.9, 明顯地股票跌到低點, 因此如果認同 Schloss 既 approach, 而家就係可以買入既時候!

可惜我星期五 (15-7-2016) 完全無留意巨騰, 唯有星期一 (18-7-2016) 排個牌睇睇買唔買到! 

如果星期一急速反彈, 都無計!  最希望再跌多幾日, 有時間慢慢執...!