八月啦..! 所謂五窮六絕七返身, 香港個股市認真厲害, 真係就在七月來個大返身, 升它一個 2000+ 點, 攪到熊證血流成河, 一地都眼鏡碎!
我好彩, 自從七至八年前在牛熊證前仆大街輸左一大鑊後, 已經發誓斬手指唔再賭錢在股市同庄家玩大細, 如今在市場中係做返D正正經經既買賣, 唔再用葡京既心態來賭, 那麼不一樣的做法當然會有不一樣的結果了!
八月點睇? 誰知道! 你想點睇就點睇啦!
我感覺現在大市叫做 "高不成, 低不就", 八月真係可上可落, 大家都唔知開邊瓣! 不過, 由於八月係好多公司既派成績表時候, 因此, 不如睇定D再算!
反正, 建倉已經完成, 再睇埋宣佈業績, 等埋除淨,確保第一批買入既股票收到息, 計埋都有3%至4%幫補吧! 這個數目, 不要少看它, 如果用compound interest用25年計計, 我其實已經發左大達, 何必仲為股市明天係升係跌去猜謎呢!
用compound interest用25年計4%, 即係今天既200萬, 到時就係533萬, 即係咩都唔做, 放200萬本金在股票, 收息最後都有533萬用, 可以退休啦!
如果除收息4%外, 股票能夠增值6%的話, 即係一年10%增長, 200萬本金在股票, 用compound interest 25年計, 最後會成為 2,166萬! 應該夠用啦! 而且, 用200萬只係假設, 可以用少D既 100萬, 會變成1,083萬; 如果起步多D有500萬, 就會變成 5,417萬...!
簡單而言, 10倍成長...! 回歸基本法... 複利效應...! 一年10%, 難嗎?
因此, 不用急, 睇定D...最好是, 未來一星期什麼都不做, 只是旁觀算了!
能否忍耐一星期?
No comments:
Post a Comment