好耐都懶得寫野, 因為無事忙! 但卻一直總有很忙的感覺, 每天都有做不完的閑事, 而寫野因此就沒放在心上了!
原因是 :
(a)牙醫跟病人其實人夾人緣, 我覺得有信心給他脫一隻還沒痛的牙, 其他人可能認為我是很錯的判斷, 害死了一隻罪不致死的好牙;
(b)價錢平貴又是另一個主觀及身家的問題, 有人認為補牙的合理價是$1,700, 但有牙醫認為補牙的合理價是$17,000, 而如果你願意付出萬七, 你認為自己尋找好牙醫好D? 還是聽我一面之詞好D呢?
(c)我做人一向低調, 我行我素, 寫文亦喜歡胡說八道, 自說自話就算, 對於言論的後果更從來不負責任, 因此不想冒險轉介牙醫! 老實講, 轉介後醫得你好是你跟牙醫的緣份, 醫你不好肯定是我轉介的原因! 同理, 你感覺價錢$17,000都合理是因為你經濟實力強勁,
但如果你感覺價錢$1,700都極不合理, 那就是因為我愚蠢轉介的後果了!
總的來說, 網友阿 Don, 我又唔識你, 同你唔係好熟唧, 做咩要冒險轉介牙醫俾你呢!
而你亦話
“只作參考之用” 吧! 參考參考, 聽落都無咩誠意啦, 又唔一定真係去幫襯呢個牙醫!
所以多一個參考, 少一個參考, 無咩所謂啦, 係咪!?
對於尋找牙醫的故事, 我反而認為用 “科學化” 的角度去找, 比較合情合理, 自己亦會比較安心! 參考了我這個教授牙醫的背景, 我認為網友阿 Don可以從以下方式出發, 應該可以找到心中理想的經驗牙醫:
(a) 進入香港牙醫管理委員會(The
Dental Council of Hong Kong)網頁, 按入第4項 “註冊牙醫名單”, download
Full Registration List (resident)的整個名單, 全港一共有 2,106個註冊牙醫;
(b)開始尋找當中今時今日最有經驗又最當打的牙醫, 我認為沒有25至30年經驗的專家, 你可以不看也罷, 因此你開始尋找在 1984至 1989年畢業的牙醫名單, 當然開始可以擴大少少, 尋找在 1983至1990年畢業的牙醫名單;
(c) 跟著你只 shortlist香港大學牙科學士(Bachelor of Dental Surgery of The
University of Hong Kong) 出來, 其他甚麼澳洲 Syndey大學, 英國 London大學都不要! 因為如果你是一個 “上了年紀” 的人, 你一定知道在1983至1990那個年代, 讀書最勁的狀元精英一定都選擇入香港大學做天子門生, 而成績次一級的才會考慮出國去澳洲或英國讀那些香港都有得讀的牙醫(法律人才當年也是如此), 最最千祈千祈千祈千祈不要考慮的是菲律賓的牙醫畢業生, 當年我亦有同班男同學入不到香港大學, 去了菲律賓讀牙科, 他的第一個印象是菲律賓由海關到大學都極之貪污, 有黑錢交要牙科畢業完全沒問題, 將來是否醫死人則閣下自理(最後我這個有上進心的同班男同學放棄醫治上半身, 改為醫治下半身, 成為了過去幾年豬籠入水的婦產科男醫生)!
Shortlist出 HKU 1983至1990年畢業的牙醫名單出來後, 應該不會很多了;
(d) 跟著為了確保這牙醫畢業後仍有專業成長, 成為專家, 那就進一步 shortlist出名單中至少有 3個 post-graduate學歷的牙醫, 例如牙科深造文憑 (Postgraduate diploma in dental
surgery), 牙科碩士 (Master of dental surgery in XXX), 香港牙科醫學院牙科院員(Membership in general dentistry of the College of Dental Surgeons
of Hong Kong), 香港醫學專科學院院士(牙科)(Fellow of
the Hong Kong Academy of Medicine)(Dental Surgery)等等, 特別是院員及院士等更是行內的精英身份, 等於ISO9001的意思; 至於那些畢左業十幾二十年個名字後面都仍舊只得個 Bachelor既牙醫, 如果你去幫襯, 祝你好運啦, 因為佢仲係用緊 20年前既 knowledge,
學識既野不進則退, 進修都懶既牙醫, 佢話識植牙你敢唔敢試?你明知佢20年前無學過架!
(e)跟住睇睇個牙醫既醫務所數目,
如果唔係只得一個, 而係有好幾個, 最好唔好搵佢啦! 試想想, 一個牙醫如果個個星期四處走, 一係佢仍舊係新仔散仔, 要走好多個clinic做野及開始建立自己既客戶網,
叻極有限; 一係就好貪錢, 密密做拚命搵錢, 你認為佢會唔會好專心跟進你既情況?而且, 一個牙醫如果做左十幾二十年都無一個自己既clinic,
我認為一定醫術或者醫德有問題!
(f)最後, 要鎖定只有一個clinic而且地址在中環, 銅鑼灣或者旺角既牙醫, 點解? 貴租都負擔得起, 表示這牙醫一定好得, 其門如市, 熟客如雲, 擁有自己既clinic, 擁有自己既客戶網, 一定好叻, 又搵到錢, 技術同服務應該都有保證! 尋找牙醫的故事, 走到呢步, 應該都找到心目中的
“好牙醫”了!
之後仲有兩步, 就要親身接觸至知:
(g)牙醫一定沒有walk-in 客, 全部by-appointment, 高級上左岸既牙醫一定咁做, 病人唔使等, 牙醫又可專心做, 你好, 我好, 大家好;
(h)其次, 收費即使沒有印刷出來, 但一問之下都係明碼實價, 沒有 hidden-cost (一般都不會及不用hidden, 因為已經清清楚楚, 貴到飛起)!
(i)最後, 用眼, 如果牙醫 clinic內能夠有 2個女護士(漂亮更好)一同工作的話, 應該十分理想了! 因為其實做牙科手術時, 真的要七手八腳的, 牙醫只得一雙手, 如果有2個女護士一齊幫手, 打燈, 傳藥, 作為病人, 你會感到當中跟只有一個女護士在舒適度的大大分別(例如: 吸口水是否及時等)!
以上是我對尋找牙醫的故事的分享!
當然, 符合了以上所有條件而且地址在中環, 銅鑼灣或者旺角既牙醫, 你認為對你應該收費多少? 我答不到了, 你自己可以打電話問問吧!
最後一句, 我只能說, 如果有個以上的牙醫向你說, 補牙的合理價是$17,000, 希望你不要當他講笑話呢!
