Monday, April 14, 2008

發財埋便 (294)


D 了解國壽 (2628),又要聽今期林 Sir 或者麟記雜貨

我好中意既 永恆新世界 竟會突然 Say Goodbye ,好失落、好唏噓,人生如夢、網誌如夢!

十八年無見既 MC,上一幅畫面仲係挺住個大肚,今天既畫面係個女經己大學讀完,鏡頭只係蒙太奇,人生己過萬重山! 空白加空白,四個鐘頭既腦際搜尋加 Chit Chat 〔唔係 Shit Chat〕,只係企圖把靜止既回憶思緒重新拼砌編織成圖,但中間既人生愛恨痛癡,最難將息!

SN 做左 Land Developer 經己十幾年,份工好荀,佢返工 50% 時間係研究股票及其年報。由於工作性質,知道某 Builder 既股票好有 Potential ,於是 $5 買入,幾年間升到 $90 幾皮。SN 係少數認真分析年報買股票既人,不過佢買既係美股,對於呢 D 50% 資本增值稅既魔鬼國家既股票,我完全無興趣!

恆指國指上落 700 ~ 800 點,我估仲係上落市,「上落市」既特色自然係「上上落落」、「忽上忽落」、「唔上唔落」、「又上又落」、甚至「大上大落」,如今只能「靜觀」其!古語有云:「萬物靜觀皆有所得!」因此,「靜觀」必有「所得」!至於 「得桶金」 定 「得個桔」 就稍後至知!

今日仲要記得買番張「艱難大既六合彩」,即係 Super 7,派彩足足有加幣 1,500 萬,中左又唔使抽稅,兩蚊雞就可以買個靚夢,抵到爛!難怪我地全城既黃皮黑髮既老華僑同新難民都一樣買得咁高興!

咁既發達盛會又點會少得我呢?點解又少你呢?

No comments: