Friday, July 21, 2017

勁過股王...? (1679)

過去半年, 如果你有買入騰訊 (700) 並且不斷持有, 持有, 持有, 死都唔賣, 相信你而家一定日日都陰陰笑, 覺得自己眼光真係勁正, 智慧高人一等, 感覺良好...!

無錯...! 股票點解同賭博一樣..? 就係俾到贏錢嘅人呢種滿足感...! 至於輸錢係咩感覺, 都唔使我多講, 你已經驗老到...!

所以呢, 騰訊 (700)就此被稱為股王...! 你唔信唔信..? 係又升又升..!

咁, 過去半年, 如果你有買入騰訊, 究竟你贏左多少錢...?

看看圖表, 今年2月時候, 騰訊大約在 $200水平上落, 當時 $200一定買得到, 因為我在2017年1月時候都在 $190買入過...! 今日收市價係 $297, 波幅在 $295 至 $300.6 之間, 我當有人黑仔到只能在 $295 沽出, 那麼計一計, 過去半年, 如果你有買入騰訊, 即是可以有 ($295 / $200 = 47.5%) 的收益...!

勁呀..! (我當然唔得啦... 因為我無不斷持有, 持有, 持有, 死都唔賣...!)

有咩股可以比得上股王...?

神仙股唔好講, 因為唔知點解升, 亦唔知升到幾多倍D幕後黑手至散水...! 上車容易落車難...! 當然, 神仙股亦可以係 BB股, 睇你時運高低啦...!

當然有好多, 其中一隻, 叫做中國南方航空股份 (1055), 即係南航...!

咁, 過去半年, 如果你有買入南航, 究竟你贏左多少錢...?

看看圖表, 今年2月時候, 南航大約在 $4.3 至 $4.5 水平上落, 當時 $4.4 一定買得到...! 今日收市價係 $6.24, 波幅在 $6.47 至 $6.19 之間, 由開市一直插到收市...! 我又當有人黑仔到只能在 $6.19 沽出, 那麼計一計, 過去半年, 如果有買入南航, 即是可以有 ($6.19 / $4.4 = 40.6%) 的收益...! 唔係比股王差好多喳...!

其實, 6月初時南航升得十分漂亮, 有經驗的股友應該知道當時可以考慮離場 (因為佢唔係股王)...! 爆升日上到 $6.84, 當日如果沽貨, 應該可以在 $6.50 輕輕鬆鬆散水吧...! 又計計, 如果你當時有沽出南航, 即是可以有 ($6.50 / $4.4 = 47.7%) 的收益...!

WOW..! 勁過股王...!..!

信不信由你...!

將來會唔會再升..? 我點會知呢...!

但我知道, 股神巴菲特在中國只投資過三隻股票, 第一隻就係中國石油 (857), 股神已經清貨離場, 足足賺左7 倍, 我相信當年好多人跟風都賺過857的錢, 而亦有走唔到結果死在857手上;  至於第二隻係比亞迪 (1211), 2008年9月買入, 至今仍然持有, 當中上上落落, 信心少D又都死直; 而第三隻就係南航 (1055), 2017年3月股神剛剛透過美國的航空公司曲線持有...!


南航 (1055)仲會唔會升...?

咁, 你信唔信股神..? (雖然佢老人家已經好老...)..!

我信...!









No comments: