首域基金做緊乜 (103)

我好中意間中參考下首域基金既持股，因為 (1) 佢 Update 得快，三月中就己經睇到二月尾既報告，唔似有 D 基金，網上只可以睇到舊年十一月既料，乜都明日黄花，跟都無鬼用啦； (2) 佢好鬼老實咁有講過去一個月買入同沽出乜野貨〔當然只係最主要果一兩隻〕，同埋點解，等你可以考慮跟唔跟，唔似有 D 基金故作神神祕秘，事後都唔肯講做過乜； (3) 最重要既係，首域既基金〔包括香港增長基金、中國增長基金、大中華增長基金、鐵橋基金〕表現都好好，劉國傑主理果隻首域中國增長基金，曾經勇奪一年、三年既最佳表現獎，同謝清海主理既宏利中華威力基金，可以話係一時瑜亮！

睇睇首域基金二月尾 (28/2) 既報告有乜啟示：

中國增長基金 --- 二月購入吉利汽車 (175)、新奧燃氣 (2688)。十大持股係中海油 (883)、 招行 (3968)、 平安 (2318)、 華潤 (291)、 中電信 (728)、 華潤電力 (836)、 蒙牛 (2319)、 華潤置地 (1109)、 中油服務 (2883)、 建滔 (148)；

香港增長基金 ---二月購入吉利汽車 (175)。十大持股係利豐 (494)、長江 (001)、華潤 (291)、中海油 (883)、太古 B (87)、思捷 (330) 永亨 (302)、渣打 (2888)、建滔 (148)、領匯 (823)；

2007年睇好增長將來自 (a) 內地消費股及 (b) 出口股，並表示即使減息，香港地產股既增長都好有限。