點解之〔二〕 (146)

點解股票市場難賺錢？原因係股市跌市長、橫行上落又長、爆升日子就短。一年的主要升幅好多時集中在某一個月內、一星期內、甚至幾日內！而每隻股都玩走馬燈，各有各 Pattern，你升時我橫行，你橫行時我跌，你跌時我爆升，你要做好 Rotation Buy 及 Sector Buy 呢份工，極唔容易。只有少數人買果隻就升果隻，沽果隻後果隻就見頂，這批好手氣之人其實不用買股票啦，走去麻雀館打牌都會發達！可惜我只是打十六圈食一舖雞糊同一舖尾糊那種手臭及背後有鬼的人，因此一世註定要做研究員，研究點樣可以從股海中逃生、以及研究點樣快樂地度過餘生。

所以，如果你食唔正一隻股票爆升的日子，原則上你只是在股票市場內無悔今生、燃燒青春、發光發熱、以及發錢寒！人人都話「長期持有股票最好」，其實是因為長期持有股票有最大機會食正一隻股票爆升的短短日子。可惜的是，好多人買貨後變蟹，內心不好受，當升回入價位就急急逃生，未有冷靜判斷其實該股仍在橫行上落期，等不到爆升日子就和股票 Bye-bye，可惜！

結論如下：

買貨後變蟹，毋須內心不好受，反而要忘記入價位，冷靜判斷該股是在下跌期、橫行上落期、還是甚麽期。記著，不少股票都在橫行上落期後會有一個爆升日子，但是三天還是一個月，就視乎成交量去猜測。成交量急增是爆升日子的必須條件，可作參考指標。

上圖是五行兩保最近三天 (6/7/2007 – 10/7/2007) 的收市價和成交量。考考你，請回答：

1. 圖中顯示，明天 (11/7/2007) 五行兩保中，最有機會是那隻會爆升〔e.g. 升幅 5% ~8% 左右〕？點解？請舉例以說明之。
2. 上文提及：「要做好 Rotation Buy 及 Sector Buy 呢份工，極唔容易」，你有何妙計可解決這問題？請提出最少一個方案。

我的個人答案在下次 Blog 分享。你呢？