耐心觀望 (175)

今日下午社福界大遊行，爭取加薪，祝願順利，起碼各親愛股友的收入終於「見底回升」，改變近幾年一浪低於一浪的惡劣走勢！跟住能夠再創新高就當然更正啦！

面對市場日創新高的走勢，我估對策不外乎以下幾招：

(1) 持貨者可以 (a) 沽出套利，再升亦不要恨了；(b) 繼續持有，愈升愈賺，但跌回低位就一場空，不過高位回落「賺少左」比低位回落「蝕多左」好好多；(c) 加注買入，除非你在月供優質股，否則 24,000 / 14,500 水平上追貨似乎不智，即使短炒亦難度太高，值博率有限！

(2) 無貨者可以 (a) 繼續無貨，耐心觀望，待回落低位再重手出擊，要有心理準備等一兩個月，手持 Cash 唔好身痕、唔好手多、唔好心郁，學李兆基等低位買優質股！我認為這個做法是目前市况風險最低，贏面最大的做法！(b) 入貨短炒，但難度太高，我唔會考慮！

優質股係乜，講來講去，優質股即係 28蚊下的國壽 (2628)、24蚊下的招行 (3968)、80蚊下的中移動 (941) 等。安全大過天及好穩陣者可買135蚊下的匯豐 (5)！

此外，寧買整體、不買個股者可買 ETF，A50 (2823)、恆生 H 股 (2828)、及招商局中國基金 (133) 都是好選擇！好處是大市升，ETF 升！但新上市的翔龍 (820) 過份炒作曾上過 17.82，真係死得人多，如果能跌回 11.00 以下才值得考慮。

今天新鴻基 (16) 創新高，藍燈籠格局， 24,000 / 14,500 之上怕難持久，如見 22,000 / 12,500，可入第一注，再耐心觀望！

股市從來莫測，猶記不久前在 20,000 / 10,000 點之下時，我的買賣機制訂定 22,000 / 12,500 已經是出貨水平，但如今水漲船高，見 22,000 / 12,500 反變成可入第一注的水平！因此，入貨之餘，各親愛股友仍需切記「牛三仍在」，並且成敗之分，關在於「控制注碼」！切記！切記！切記！