還是相信超賣好 (1610)

昨天狂插 800 點的笨豬跳, 今早新聞又話聯儲局鴿派出來講話, 又話 9 月加息機會其實好細, 反轉豬肚係屎, 一時一樣, 全球股市俾D美國佬美國婆玩死!

一時間, 恆指反彈 362 點上返 23,625, 氣勢如虹, 我看看20大活躍股, 嘩!  嘩! 嘩! 果然全線反彈, 好似無野發生! 心中感覺, 啊! 原來係虛驚一場!

點知 LUNCH 做完野後一看, 嘩!  嘩! 嘩! 咩D反彈變成全線腳軟, 一路陰乾! 最後竟然連反彈到 59.1 嘅匯豐(5) 都再跌多一鑊, 跌多 0.25 到 58.0 收場! 匯豐個走勢圖就好靚, 一支陰燭跟一支陰燭, 三隻烏鴉好快飛揚!

我剛剛以為係虛驚一場, 但而家又變成驚魂未定! 死美國佬! 死美國婆!

再跌? 做咩好? 最好去垃圾堆尋找垃圾股!

結果, 在 3.15 買入了些少 精電(710), 講明垃圾股, 當然期望不高!  

買入原因:

(1) 跌到 52周低位, 博反彈 (但要有持有2至3年的心態);

(2) 數據都OK, P/B=0.546, P/E=3.443, YIELD=12.49%, 市值=23.08億;

(3) 過去16年都有派息, 只係 2016年第一次衰左, 因為2016至6月底中期業績倒退, 純利425.9萬, 按年跌98.48%, 每股盈利 0.9仙, 首次不派中期息!

(4) 精電做顯示屏生意, 現正處於技術轉型中, 希望有能力捱過低潮, 恢復派息, 相信股價或有可觀改善(AGAIN, 要持有2至3年的心態)!

市況一跌再跌, 反彈無力, 樂觀D看, 未知是否故意 "延後反彈", 等再跌多DD大家都沽貨時才反彈; 還是悲觀少少看, 其實個市升左 4,000多點已經十分超賣, 只係大家唔多理會吧!

我個人比較細膽: 還是相信超賣好...!