股災指標 (111)

陸羽仁篇文 (Click to View)，講解個市炒返上 20,758 點既理由，你可信可不信，但一定要睇睇！

錢可通本書「我如何在股票市場賺到第一個 1,000 萬」提到股災既原因，一定由於炒過龍〔當然係大戶人為架啦〕。一個有力既指標係當指數偏離 250 天平均線約莫 30% 左右，就係可能爆煲之時！呢個 30% 係觀察過往多次股災所總結出來，唔係錢可通自已靠車既。



恆指偏離 250 天平均線 30% 即係 23,500 點左右，仲有 2,700 點可升；但而家三個指數中，有兩個〔國指及紅籌指數〕經已係 23% 及 22%，其實再升三、五十點就經已 30%。如此這般，個市〔特別係呢幾日升得最靚既國企及紅籌〕隨時有權爆煲！

今日成交高達 643 億，你話 D 大戶在入貨定出貨呢？

傳統智慧話，升市加大成交，可以追貨！買入！你估D 大戶想你追貨買入，定係想你出貨呢？