有錢人買股票 (113)

我地自已股市中賺唔到錢，就成日賴大戶炒作。有錢人買股票同我地 D 窮鬼買股票有乜分別？ 有！最大分別係有錢人見到平價就買，而且大大手咁買；我地 D 窮鬼見到平價就驚，唔敢買，又唔用膽，又唔用腦，又要怪人。

例子：我於2007年3月1日 〔Blog 84〕就分享話，135 蚊以下可以買匯豐長期持有啦，未知各位股友有邊位當時敢做呢？〔當時 133 蚊以下都可以買到匯豐啦〕。

實情：全球富豪排名榜第九十七位的沙地阿拉伯富商 Maan Al-Sanea 透露，自美國發生次級按揭風波，令匯豐控股股價受壓後，Maan Al-Sanea 便從2月中開始吸納匯豐控股，共斥 514.8 億元購入 3.1% 匯豐控股成第二大股東〔2月中時匯豐股價仲係 140 蚊〕。
Click to View: 耀才網按【5】找匯豐控股，再按 17/4 相關新聞；或看 AAStock News。

而家匯豐股價係 143.4，咁你認為算平定算貴呢？