之前買聯想(992), 因為見它跌到低位橫行了2個多月做了個大圓底回升, 技術上的確有反彈可能, 加上有新手遊手機即將出爐的消息護舵, 因此在19/7/2016 於 $5.04買入,之後果然有DD反彈2%吧, 令我開心了幾分鐘!
點知兩個星期下來, 好似無力向上, 每日都被D幕後黑手不停地沽, 因此十分樣衰, 大市上星期升升升似乎與它無關, 但今日恆指跌穿22,000了它卻死跟向下, 十分忠心, 結果再微調三格到 $5.02 來增慶, 攪到我賬面終於變成 "虧佬"! 真係無咩癮!
但係聯想將會的走勢如何呢? 今日既頭條日報雷雨 "股佬開倉" 仍舊唱好它, 令我覺得有人同聲同氣, 即使 "虧佬"得來, 也不孤單! 而且雷雨仲話於 $5.08 先買入1萬股, 認為只要能守穩 $5.00, 可挑戰通道頂部 $5.44, 然後,可向4月對上一個高位 $6.58 進發, 預期升幅有三成之多...!
真啱聽! 人, 都係喜歡選擇性去聽市場消息!
因此, 我就一於相信 "股佬開倉"既分析啦! 聯想, 可長可短; 長者, 待其正式重納長期升軌, 以升 30% ($6.58) 做目標; 而短者, 如果在某兩三天內爆發上升10%~15%以上, 都係有權可以action DD 既合理時候!
為何不再永遠持有? 主要係聯想的 P/B 已然 2.397, 估值已不便宜, 如果盈利不佳, 派息又不好時, 它又靠什麼唱作, 才能炒起呢?
No comments:
Post a Comment