考考你眼光 (741)

有親愛的股友建議不如大家估估 2010 年的恆指高位啦！都好呀！

舊年玩左一次，結果當然係錯到無譜啦，根本無人可以估到恆指可以一口氣升到上 20,000 點以上，更遑論接近 23,000 點了！

我今年雖然只想估估高位就算啦，不過為了「專業上的面子」，今年條題目一定要 Set 到好 Open，無論點升點跌親愛的股友都可以有得答至得，亦不會像去年將高位低位放在同一條題目問，成為了「顧此失彼」的低 B 不合格提問方式！

因此今年分開兩條問題最好，一條問高位：「你估 2010 年恆指最高可以升到幾多點？」；一條問低位：「你估 2010 年恆指最低可以跌到幾多點？」，最公道啦！

由於市况反覆，大家投了一票後又可能再有新的看法！無問題，我地個 Blog 投票不單止「一人一票直選」，而且仲係「一人一次一票直選」，係可以投「好多次」「好多次」都得！〔我估 Blogger 個 Program 應該可以俾人咁玩掛！〕

只要在 2010 年 2 月 28 日（正月十五元宵佳節）前投票即可！

到時二月底了，統計一下看看今年大家親愛的股友會係「較為樂觀」多 D定係「較為悲觀」多 D？

小弟細佬就在此拋磚引玉，先開一個盤口啦！

我的個人看法是「2010 年恆指最高可以升到 27,000點」（原因是從現時 22,500 點再升多 20%）；而「2010 年恆指最低可以跌到 19,000點」（原因是從現時 22,500 點再跌多 15%）！

希望我估中啦！但更重要係希望恆指今年走勢是以「升、跌、升」次序出現，那我才可以順勢而行才有運行！

考考你眼光呢！快 D 投票啦！投完可以再投！