大波幅、小買賣 (461)

港股已在 15,000 水平了，但一天的波幅卻仍可有 750 至 1,500 點、即是 5% ~ 10% 之多。在熊市底部做如斯動作，是向下震倉？是向上建倉？我未知透也！

但大波幅可做小買賣，苦中作樂，險中求勝，以度永日。

收市，恆指 @ 15,041 (-281)、國指 @ 7,267 (-174)、成交 506 億。

沽出：
A-50 ETF (2823) @ 9.29
H股-ETF (2828) @ 76.70

買入：
中移動 (941) @ 66.85

中信泰富 (267) 單野真得人驚，炒輸外匯合同巨額虧損 8 億幾可以靜靜雞唔聲唔聲六個星期，目前仍在生效的槓桿式外匯合約按公平價定值的虧損為 147 億港元，然後求其發個盈利警告、求其炒走兩個財務主管替死鬼，就想不了了之（據說真兇係主席榮智健個女），充分表現上市公司既「自由度」兼「無王管」！

股神千叮萬囑話「買股票係買間公司既 Management」，老人家講野真係一定要聽，古語有云：「不聽老人言，禍事將臨頭」！中信泰富呢類管理層缺乏誠信既股票，就算跌到一皮都千祈唔好博啦！

想當年，紅色資本家榮毅仁為共產黨服務，深入香港呢個「萬惡」既資本主義社會「奉旨」大做投機倒把生意，做到風生水起，為窮困既共產黨賺到唔少珍貴既外匯，用來建設窮困而「理想」既共產主義社會。因此，榮毅仁在共產黨眼中算係德高望重，死時都以「國家領導」級別風光大葬！

估唔到佢個犬子榮智健接手中信泰富後，可以衰得咁交關。而且仲有可能為左個孫女遮醜而向全港市民及所有小股東講大話，真係有辱家門！榮毅仁真係家門不幸啦！