又買又賣 (665)

四叔上次太好人扮股神派貼士，結果當然係「中左無人讚」、「輸左俾人鬧」！今次四叔精左，一於猛話「睇唔通」「睇唔通」呀！

但係買賣策略就一清二楚，每升 1,000 點就沽 10%，然後轉買澳幣；再升再沽，又買高息債券；如果跌到 18,000 點就又買過，不知「睇得幾通」！可憐我地D 無貨在手既散戶，有得聽，無得跟！

我同四叔一樣，對個市都「睇唔通」呀！

百盛 (3368) 既庄家俾我睇死佢「震倉」之後一定會將股價「抽上」，果然中左，百盛星期五最高「抽上」12.14，但之後庄家又將股價質番落 11.80，然後成日咁長都在 11.90 ~ 12.00 之間一味磨來磨去！

收市前我見上證指數都跌得幾慘，足足跌左 97 點 (-3.17%) 落番 2,963 點既水平！生怕星期一分分鐘開市會跌一餐，有糊唔食、罪大惡極！

雖然百盛股價仍然未升到我心目中既 12.30 目標價，但「目標價係死既」而「Cash 至係真既」，於是決定馬上沽出！最後於 11.98 沽清平均價 11.40 買入之百盛過周末！成績 +5.1%，正現金流，大概夠食三個月早餐！

之前買完 富力 (2777)，因為實在好喜歡內房股，又於 17.66 買入中國海外 (688)。兩隻內房股都要坐艇！

不過，「又買又賣，且戰且走」係我既短炒原則！

我仲留意緊隻 A50 (2823)，上證指數跌左 3.17%，隻 A50先至跌左 2.2% 到 14.00，我仲覺得高左 D，如果回落到 13.50 左右，我都會買隻 A50 短炒！如果上證指一個唔覺意反彈一二百點上番 3,100 ~ 3,200，隻 A50點嘟有一個幾亳升幅既！上番 14.40 一 D 都唔出奇！