買工行、不用急！(655)

我相信好多人（分分鐘都包括您在內）正在牛咁眼「候住」工行 (1398)，心裡面好希望工行快 D 跌番多少，然後買番多少，跟住工行又升番多少，然後又可以賺番多少！

呢個工行既「跌＞買＞升＞賺」既 Business Model，相信其中不少親愛的股友以前已經一定體味過，所以好想食過番尋味！工行今次是否又可以跌番多少俾您賺番多少呢？

我反覆思量，認為「買工行、不用急！」

我在 Blog 652 講過：「較大型的上升或下跌趨勢出現前，總有一個消化性質的橫行時段出現 ... 而「下跌前的橫行時段」較短，一般大約只有 5 ~ 8 週消化期。」

工行如今走勢出現了以下情況：

（一）由 8 月初三隻烏鴉下跌計，至今已經於 5.10 ~ 5.40 之間橫行了近 4 週消化期，似乎「下跌前的橫行時段」接近完成；

（二）「橫行時段」的出現，確實了 5 天線跌穿了「上升軌下軸」，工行後市向下機會極大；

（三）工行今天成交量開始减少，亦走勢上出現「十字星」的待變格局；

（四）工行上升時留下了兩個「上升裂口」有待回補，因此可以視作今次下跌的目標，即是 4.30 及 3.60。

結論：

如果好似我咁「想食大茶飯」者，買工行、不用急！等見到 3.60 ~ 4.30 才考慮吧（見唔到亦唔代表一定會「唔買」，一切要研究當時是否已經出現了「最佳買入點」）！

而工行 3.60 ~ 4.30 水平表示恆指大概是在 13,300 ~ 15,600 左右吧！

工行 (1398) 以 15 倍的預測市盈率計算，2009 年的預測目標價是 $6.77，如果 3.60 ~ 4.30 水平買到，收獲是 57% ~ 88%，您等唔等？等一兩個月又值唔值得等？