Friday, August 27, 2010

回應「小吉吉」股友(868)

對「小吉吉」股友的回應:

多謝小吉吉的「感動」,能夠收到你的分享我都好「感動」!以後有空你就寫多D啦!

你問我有無「了解開其他類型的股,對食品股和水泥股又有何睇法呢?」我答你啦,答案可以有兩個層次!

層次(一):食品股我無研究,水泥股我有 山水水泥(691在手,屬於「深水蟹貨」類別,再升 20% 才可以返家鄉!從層次一來看,我認為你最好不要問我「那隻股票好」的問題,因為很容易「愛你變了害你」,成為典型的「好心做壞事」!我雖然好心,但我不喜歡對你做壞事!(不是說我是永不幹壞事的好人)

層次(二):自從我 炒股功力大進後(意思即是輸了很多很多之後),我已經開始接受以下的成功炒股觀念:「炒股賺錢不是靠你買中一隻絕世好股可以連升十倍,而是靠你的心理素質及操作系統而成功的!」「成功」的意思即是做到「低買高賣」─>「正現金流」->「資本每年複式增長」也! 說來容易,做到卻十分難!我這方面仍在學習、仍舊「屢敗屢戰」!

一般人做不到從來不是因為「選不到好股」(其實你回顧一下,你買過的股票很多都是好股,只是你從中賺不到它的錢吧),而是「心理素質及操作系統」未夠成熟,給大鱷及市場震盪打跨了!

層次二來看,我認為你最好重看一下我在「我的投資心得」類別的文章,例如 Blog 848858 等等,這大概已經歸納了我現在的投資風格和取向了。

因此,你問我「XX 股和 XX 股又有何睇法呢?」如果當你是朋友,我會答「無乜睇法喎!」攪好個人的「心理素質及操作系統」,錢自會找上門來!平常心可以了,亦不用急於發達,君子愛財,取之有道,亦用之有道嘛!

如果當你是仇人(例如好似菲律賓的阿基諾三世之流),我會好認真地向你推介「買 XX 股啦、賺硬架!」然後再用大摩的講法加多句:「30 日之內有七成機會可以升 25% 架!」祝你好運!

廢話講完了講番正經話!

我認為你不用太多心及花心神去「尋找他鄉的好股」了!我認為你現在的想法已經很好、已經是「返樸歸真」、已經是「A well begun is half done」了!

你只要真的肯「讓內心 settle down」、不去理會報紙財經演員日日的「好股推介」,真的肯穩穩陣陣「買返 d 內銀股」,我擔保你三年兩載左右必有可觀收成!(當然,擔保歸擔保,你賺不到錢請勿找我,因為那一定只是你心理素質及操作系統出了問題吧!)

我現時的建議仍然不外乎是你心中(或手中)的那幾隻:招行(3968)、交行(3328)、工行(1398)、建行(939等等。No magic!【參考 Blog 859 內銀股首選

大市方面,我認為 現在仍舊是在「高估區間」及「低估區間」之間,但已經稍為接近「低估區間」方面(恆生指數的 RSI(9) = 27.67),我猜想,恆生指數的「低估區間」大約在 19,500 以下吧!到了那水平,就買入上面的任何一隻內銀股都可以了!然後再等到恆生指數的「高估區間」(大約恆指 RSI(9) 70 恆指在 26,000+),將股票沽出獲利了事!That’s it! 

最後,吉吉股友,我認為你現在應該用多D時間及心機去照顧好 Baby 及佢既多元發展,比去關心股票更加重要!Baby IQEQAQMQ、乜Q 發展對佢將來既人生都好重要,而心理學理論已經講得好清楚小朋友 0 1歲既發展極為關鍵,不可疏忽也!

而至於炒股,乜Q 愈高、輸得愈慘也!

2 comments:

小吉吉 said...

多謝你呀jacky, 我明白你的唸法,我亦唔想你誤會(推介一些好股給我),所以我都沒有問你邊隻水泥股好呀咁啦!?所以呢,我唔會叫你推介既,放心啦!

我只係忽然想到這一類股,自已做功課又未夠深入,咪問下你囉.

我2008年先開始投資股票,我好叻喎,至今未虧過...(不過近年的人和和另一隻水泥股就讓我坐了一會了),我買過建行,仲係3.4左右買,係我人生第一次買股票亦係第一次賺到錢(因為我6.1放左).哈哈

另一方面,我給自已一個原則,固定小量資金投資,盡量不作大金額補注,例如我開始時設定2~3萬元係資本,當作是學習和實習,當賺到錢了,3萬變5萬了,就拿5萬繼續投資當時值得投資的好股. 1387人和算是我很大的膽的嘗試了, 我個人覺得對我來說太新,而且它真的存在很大的炒味,雖然背景應該是好的,但莊家好似好奸咁...@@".

當然啦,過去這斷時間,我買賣機會不多,因為資本少嘛,我計劃當自已熟習了一兩隻股的"習性"之後,就可以"大膽d"將資本加大了. 例如建行這類銀行股(我真係好保守架咋).而一d大額藍籌股,一來我資本少,二來呢d受國際性影響的大股,似乎唔係我而家呢個級數玩.再加上, 買大藍籌有少許悶. 我希望可以咁上下時間走一走,賺取複利,但唔係仙股那些風險性大的股.

我的睇法和觀念你話正唔正確呢.嘻嘻..

題外話,有個小朋友之後,需要洗更多錢,所以更想用少少私己錢賺多少少奶粉呀,尿片呀咁的開銷..而家通漲咁可怕..同埋自從透過保險和基金投資的不良經驗後,我覺得投資都係靠自已,什麼什麼把錢放在保險公司18年有x%的保証回報...我現在真的信佢都傻..~^^~

小吉吉 said...

係喎,睇到你寫的RSI,是什麼東西,好難明,好複雜咁喎/ \" ????

還有,而家我會好好照顧小朋友的,之所以我會買D穩陣的內銀股,因為無太多時間睇嘛.~^^~