半貨半銀(1487)

理論上現時滬港通形勢下, 應該「買升」就賺啦！

是否如此, 我不知。不過作為一個炒股多年仍未發達的人, 總在挫敗中學到了一點點風險意識。看見今天早上升不起, 下午跌不下的局面, 既不明白滬港通出現後的短期反應, 我因此做了風險管理的動作, 將我的組合調整為「半貨半銀」。

因此今天我沽出了一半2822 (@9.69元)及2823 (@9.71元)。

收市後看見兩股都又反彈了, 我的沽出價位當然不算好, 但是要採取「半貨半銀」安排做定心丸及兩頭蛇, 只好如此。沽貨雖然必定有怕死因素, 但理性也可以解釋得通的: 

(a) 兩股的rsi(9)都分別是75.4 (2822) 及75.06 (2823), 都有點超買啦, 係時候可以考慮減減磅, 也不是沽清光; 再升仍有貨, 跌回9.40元(2822)又可買返; 

(b) 以2822升勢, 其實由8.70元升到9.73元才是最近的全個升浪 (不要以自己的買入價 9.14元作起步點, 這只表示自己捕捉不到最佳買入價吧), 即是升了近 12%了, 圖表顯示花無百日香, 回落一下去9.40元都好合理的; 

(c)太多人看好就表示「不多好」是股市相反理論的常識, 連石sir都話滬港通下不知買咩就買2822及2823啦, 好似a股指數贏硬！市場如果出現咁正既野, 我認為應該留俾其他c9賺, 我要避開比較安全, 等個市殺完一回好友時候, 我才在較低水位返入去取貨, 應該好d！

最後講講, 有條不知名既網友寫入來問:「你既2822目標價係多少?」

好明顯呢條連名(真又好假又好)都懶留既網友一定係新來既, 唔知我近年來都已經唔再做 d害人害物既「股票買賣意見提供者」, 只係在我既 blog喜歡自說自話, 胡說八道, 人家看不看唔關我事, 但我自己就看了。

不過, 既然呢位無名無姓既人慣左「網絡溝通」, 以為老馮人家會騷佢, 我就即管順佢意答答佢。

問: 「你既2822目標價係多少?」答:「我既2822目標價就係… 賺錢！」

今日睇我點做買賣, 就知我目標價啦！今日, 我賺錢了！