以前不太理會炒業績及炒派息這回事, 因為太煩, 索性闊佬懶理, 買入股票就等幾時到 "目標價", 結果發現好多時所謂 "目標價",都係得個諗字, 結果都在股市急跌大浪中損手收場!
為何無論自己估計的 "目標價", 或者係大行妖言的 "目標價", 大部份都衰收尾? 我估主要原因係 "目標價" 呢家野係以 "未來盈利" 來推測, 因此在目前世界艱難中, 其實好少公司真正有增長盈利, 加上估 "未來盈利" 多數估錯, 一旦差於預期, 又可以係一個籍口去短期插低股價 [例如彩星玩具(869)], 製造混亂, 混水摸魚! 巴菲特既美股世界, 真係同港股H股既生態非常唔同, 因此在香港尋找Coca Cola 同 Walmart, 結果發現維他奶及大家樂, 好似有D相同之處, 但係更多係十個不同之處既遊戲!
自從參考埋 Walter J Schloss 既理念後, 已經不再以 "未來盈利"做 margin of safety, 改以 asset value 作為 margin of safety, 最大分別當然係盈利可以瞬息萬變, 有唔妥大股東都當然唔聲唔聲, 沽完貨套玩才公布啦, 散戶永遠都係最後知道真相既傻瓜! 比較而言, 資產淨值雖然都係估估下, 但係每年重估都要有根有據(好似物業市值), 唔同 "未來盈利" 可以順口開河咁牙煙!
因此, 在以 " 資產淨值" > "市價" 的基礎上, 炒業績及炒派息這回事, 應該都係可行既增加收入方法! 如果炒作過程中, 仲有埋估計 "未來盈利"會增加既因素, 短線炒作成功既機會都唔少!
特別係, "炒派息" 之後既股價除淨下降, 如果比較派息少, 那就係一個財息兼收的局面, 雖然唔係大富大貴, 不過積少成多都可以食餐燒鵝!
目前都有唔少心水, 例如:
WANG O (1222), 明天除淨 (12/8/2016), 今日買入仲有息, 派0.005, 股價現 0.073, 有 6.84%;
安全貨倉(237), 23/8/2016除淨, 連特別息派4.00, 現股價25.9, 有 15.4%, 近兩日都開始炒上, 成交量不少.
No comments:
Post a Comment