安全邊際 (1593)

恆指不停上升, 阻力位不堪一衝, 要破就破! 成交額愈700億, 大眾家的心情當然愈來愈開心, 對23,000有點指日可待的期待!

目前最好係咩? 當然滿手都係上升中既股票, 日日唔使做, 望住身家升, 你話幾鬼過癮! 我相信親愛股友多數都係智慧型既投資者, 應該正在享受財富增值中!

但係, 23,000之後又點? 唔通真係等24,000, 25,000? 請問你今年幾多歲? 竟然會咁XX? (XX唔使講出口啦..!)

我覺得可以做既, 係開始檢視一下自己手中既股票組合, 它的安全邊際有幾多? 頂唔頂得住當恆指回落時既跌幅! 當然, 我地同時亦都開始檢視一下自己既心臟, 又頂唔頂得住當恆指回落時既跌幅!

如果用 {P/B細過1}<1 b="">來檢視一下, 之前我沽出既聯想(992), 除左話眼前有少少利潤之外, 較多考慮係因為佢 P/B 已經 2.59, 這樣子既股票多數 "能升不堪跌", 升起上來就好人好姐, 但跌起上來就毫無人性, 因為如果用 P/B看, 佢可以跌到$2.00但係仍然未曾 P/B=1, 要跌幾深有幾深! 當然, 有大行唱佢可以上到 $8, 不過我都係走為上著! 你話我細膽都好, 但我記得 投資第一金律係 [不要輸錢]以及投<1 p=""><1 p="">資第二金律係 [唔好忘記<1 p=""><1 p="">投資第一金律] !<1 p=""><1 p="">

<1 p=""><1 p="">電視廣播(511), P/B=1.53, 因為有 9%+ 股息, 加上monopoly, 我有信心持有下去! 特別最近在電視睇到好幾個廣告, 竟然係賣手機遊戲廣告! Common, 又話手遊改變人類習慣, 打敗傳統媒體..? 而家手機遊戲想擴大市場,又唔係要返來電視既傳統媒體宣傳..!所以話,在香港,TVB 都幾難會死, 一台獨大,獨霸 9廣告費這情況仍舊會延續下去!最近 DBC 數碼電台捱左5年都要關門大吉, 顯示電視及電信行業這行業的入門檻很高,具備好好既安全邊際!

彩星玩具(869), P/B=1.45,息率有7%,目前下沉中,我似乎買的timing唔多好,不過我主要對它們的管理有信心,決定仍然持有!

周大福(1929), P/B=1.62, 正常息率應該不太高, 不過今年加埋特別息據報有 14.1%, 今日剛好除淨, 昨天貪心想收息馬上買入少少, 因為有 $0.30股息, 昨天5.91計, 折實有 5%收, 今天除淨現價$5.66, 都OK啦! 周大福係行業龍頭, 信譽優良, 我如果買金一定去周大福; 而且後台強大, 年年有息派, 其實亦可以長期持有收息! 不過我既然自己選擇信奉左 Walter J Schloss, 而周大福既 P/B=1.62, 有機會有多D利潤就會沽出的;

組合內再無 P/B>1 既股票, 今回我重出江湖炒股, 暫時都算幾discipline 了!