紫金 (2899) 於 13/8 買入後，不知不覺又坐了艇！
「管它！我還有很多生活費，吃一年兩年都吃不完！」我還有錢可以跑上深圳足浴按摩、吃喝玩樂、還有錢給小費！
真的！不是我想扮「大款」，但我認為總也得回應一下人家叫你做「老板」的稱呼吧（雖然叫得不對，但是我從不否認，反而拿出銀紙給小費來確認）！
香港人就是這樣！所有香港男人到了深圳就變了「老板」，不管他有多窮！而所有香港女人到了街市就變了「靚女」，不管她有多醜！
所以，香港男人都喜歡去深圳；香港女人嘛…不管喜歡不喜歡都應該去去街市吧！
不知不覺，紫金於今天（8/9） 又浮上了水面！
「甚麼！一天無緣無故升了 8%？金價升穿 1,000 美元一安士了嗎？」「管它！沽了它！我其實對黃金興趣不大！我只喜歡 Cash！」
紫金 $7.01 買入，$7.69 沽出，+9.7% 正現金流！賺番些少早餐午餐晚餐足浴按摩費！好耐無「賺錢入袋」的感覺了！
今日生日，故意沽出紫金，算是送給自己的小小生日禮物！
我反覆思量、又再檢討一下投資策略（我份人既壞品就係「好檢討」！「檢討」自己尚可，但一旦「檢討」手下就一定會乞人憎！所以我做份份工雖然表現都好好，但係不如早日自我歸隱自己覺得仲快樂，無謂俾 D 乞人憎既手下覺得我好乞人憎），因為最近自我定位做「長線投資者」，所以「鬥心」少了，明明有錢都不去賺！
例如工行 (1398)、建行 (939) 最近都清清楚楚破位向上，但就「懶理」甚至不去買入賺賺快錢，我是否太懶呢？
算啦！不想了！股市「坐艇」「賺錢」都是在「不知不覺」中的！「有知有覺」的一般都不太成功的！
4 comments:
唔經唔覺又一年啦!仲可以及時收到賀禮!恭喜恭喜!!
生日快樂!
多謝多謝！
正所謂「一年容易又中秋」，真係唔經唔覺又一年啦!
可惜既係，今年我既身家同舊年都差不多，無乜太大進展！只係搵到餐「早餐」，連善事都做少左！
不過，人生在世，一生何求？我要求只是平淡吧了！
多謝你的「恭喜恭喜」！大家身體健康！
一年前的今天,金融海嘨尚未正式殺到.經過這場金融海嘨後,你的身家與去年依然差不多,其實已是可喜可賀.對於雷曼苦主(仲要唔係mini-bond,尚未有得倍)及手持結構性產品的人來說,這真是羨慕.你能在這場風暴中搵到餐「早餐」，可見你的功力不差.恭喜恭喜!
唉！其實唔多唔少我對損失仍然有些是自欺欺人的，並非百分之百計得好淮！
不過，我對損失的處理方法是：
(a)唔輸都輸左，一定要認輸，然後檢討一下希望下次唔好再輸！
(b)一定要留有足夠Cash做生活費！
(c)短線想辦法搵番些少使用，令自己覺得仲係贏家，開開心心過日子！
所以，我話「今年我既身家同舊年都差不多」唔一定真係代表「今年我既身家同舊年都差不多」，只係一種我對投資成果既表達方式而矣！
即是話「靚女」唔一定真係代表「靚女」咁解！
但係這就係我既「生存之道」同「快樂之道」！
Post a Comment