股票明天會升定跌的智慧答案一定是「I don’t know」，如果試圖去估一定升到 23,800 或者跌到 21,000的人，大概會失望居多。
因此，我用「JR買賣系統」來取代「有斷估、會痛苦」的想當然方法，我想這就是正途了。
之前在 Blog 910 我說「幾天內買入安踏（2020）」，結果證實「全中」，當時的安踏 13.00 ~ 13.20 應該是很好的買入點了。今天安踏已經升到 14.92，賬面有 13% 的收獲了，RSI(9) 今天才 57.5，可以再坐一會，待 RSI(9 )升到 70 時候才決定是否收割吧！
其他在實習（一）表內提及的多隻電力股（991、902、1071、836），如果當時 RSI(9) 在 30 以下買入，現時都一定是正現金流了！
與其日日去估亞爺下一招出甚麼，倒不如相信市場的訊號、相信自己的操作系統！
總結一句：「JR買賣系統」，好掂！無得頂！2011年賺硬！
6 comments:
係呀, 你發明的JR買賣系統真係好掂呀,最近又買返農行和買入理文.本身對這兩隻股有信心,加上你的JR系統,相信一定可以賺到錢的,最生氣是人和,讓我用於投資的本錢少了一半可以運用,就這樣放著, 股價動也不動,人跌佢跌,人升佢不動./ \"" 但是又不甘心放左佢. 我唸都會睇埋聖誕節和新年,希望佢會得益於零售旺季,但如果佢都再係咁我就真係放棄了.
人和要賺錢, 似乎只可以和它鬥長命, 如果你入貨價很低, 應該可以任何時間 say goodbye， 無所謂甘心不甘心！
人和阻力位似乎每次都在 1.49 及 1.59, 兩個都是可以走人的價位.
至於得益於零售旺季的想法, 我覺得同人和的地產商場業務未必有直接得益, 現時大環境仍在打壓地產內房板塊, 人和可能一段長時間都無運行!
打和離場不一定是壞事, 股市中點可以鋪鋪都係你贏呢? 大師教落: 十次中有七次贏就可以啦!
我就話: 正現金流就OK啦！
這陣子工作有點忙,今天才有空看到你的回覆.
是的,人和好悶好悶好悶,但是今年有幾個位可以走人我又偏偏唔得閒睇唔到,都沒辦法,我平均1.6買的.我想會慢慢睇個好小小的位打和走人了,已經又半年了,人和就好像冬眠一樣.你說得對,不可能次次都獲利的.至少我有賺左佢的股息.算一算,應該1.4都可以打和走人.
人和的錢注定不是我賺都沒辦法...
^^~
嘩!如果你既打和點係1.4既話,即係你已經立於不敗之地啦! 目前只係決定要賺多定賺少既問題唧!
我睇完人和既日線,周線,年線圖, 都係覺得人和而家係好鬼平,好鬼抵買既時候, 換言之,客觀d睇,而家只係買入人和既日子,絕對唔係沽出人和既時候,即使你個心係有幾唔舒服都無法子啦!
我覺得都係果句啦: 耐性d 啦...無法子啦...財不入急門既..!等番見到 1.59 或者 1.49 至同佢say goodbye 之後永不錄用啦!
唔好忘記, 我都係同你一樣, 手持人和好鬼耐啦, 一直低唱...[笑傲天際踏前程, 去歷幾多風霜]...!
不過, 直到今天, 我仍然瀟灑...罷了!
也是的,正所謂:唔等都等左咁耐...
一陣又話派股息架啦(我估佢會).
希望有日它可以隨大巿上翻小小,好奇怪係最近連佢個莊家自已都似乎唸唔到用什麼理由去製造消息托下個價.也許是賺夠了,便放長線吸納我這類心灰意冷的股民的錢.
這股票真令我好好學一課.難怪那麼多人叫它做"老千股"...
等.....又繼續等....寂寞到夜深....
Post a Comment