蒜頭浸醋 (299)

最近開始試飲 蒜頭浸醋，看看是否有利健康？

話說蒜頭浸醋可以通血管、去膽固醇、降低尿糖、預防糖尿病、降血壓、除便秘、減肥、健美、強肝、強腎、滑皮膚、去暗瘡、利尿…效果神奇，信不信由你！

陸羽仁 30/4/2008 篇「Old Rich 的優勢」，我覺得係近日來少見既好文章。雖然佢引述「網友YY太」講既都只係富爸爸既理論，但都幾發人深省。

Old Rich 即富有人家既父母係生意人，經歷過好多個股及樓既低潮，因此可以指點子女「經濟係有循環既」、「人棄我取嘛」既道理，教導子女一些投資理財既經驗，令下一代一生受用不盡。

我地一般散戶既父母，好多一生都只係老散，成日只識高買低沽，盲目工作儲錢，再高買再低沽，不能給子女財金教育既優勢。散戶沒有身經百戰既富爸媽，自然學唔到財金經驗，一代一代輸落去！

我老 爸係一個例子，73 年股災一敗塗地，最後含恨而終。失敗既老 爸當然無法子教識我成功既投資方法，所以我多年來股票都係老散做法，輸左唔少！

好彩投資理財既知識係有得學既，我終於用左三五年心機去學識理財知識，如今投資一般都輸少贏多嘞！

我好希望各位親愛既股友，早日都脫離老散做法，學識理財知識，做個成功既投資人！