升又賣 D、跌又買 D 啦 (304)

如果而家個市只係反反覆覆，難以預測未來市况既走勢，最好係忍手不買不賣最安全！

昨晚美股急插又跌 206 點，陸羽仁話 ：「借勢回調，道指一棍就跌落 12,814 點，險守 12,800 關口，呢一浪回吐可能試穿 12,800 大關。」

恆指尋日單日轉向，看 ADR 既走勢今日港股無運行，起碼跌多 350 點！

我除左有全盤長線既 Cash：Stock 比例 Strategy 外，反覆走勢既市况可用「升又賣 D、跌又買 D 」應付。

方法如下：恆指於 26,200 回頭下跌，如果跌到落 24,700 點，已經足足跌左 1,500 點，我認為不妨「跌又買 D 」。最緊要控制住注碼，唔好買太多！然後記得「升又賣 D」就唔會出事！

我心裡既注碼係老本既 5% ，買既野離唔開都係 2828、941 或者 005 ！

做生不如做熟嘛！