Tuesday, October 25, 2011

死就死、頂硬上(1086)

不知天高地厚,之前報了「香港長跑會第34屆香港半馬拉松」,跑 21公里,轉眼星期日(30/10/2011)又到。

報名「磅水」時容易,真正上場時得唔得,自己事前原來難以估計。

點解?因為到了像我這把年紀的人,原來真的有所謂「狀態」這東西。「狀態」者,就是「今日唔知聽日事」也。

好像我以為最近的「狀態」應該幾得,於是打算「加強些少訓練力度」吧。前天星期日跑了 5k,好像十分有力;昨天星期一再跑了 5k,好像仍有力氣;於是心雄了,今天決定試跑一次 15k,鍛鍊一下持久力吧,如果 15k都跑不到,過幾天怎跑半馬 21k 呢。

呵呵,準備就緒,今日下午四時出發起步。

嘩,天氣簡直近乎完美,天陰,溫度23度,涼風陣陣,路段甚少汽車廢氣,沿海風光如畫,心中大喜。

怎料起步十分鐘後,總有力不從心之感,勉力挺進,雙眼竟然開始發黑,我心中知道又是老毛病發作了,可能是我心臟一下子未能供應足夠血液給大腦,影響了視覺神經線;於是我採用雙目半閉半開,雙腳半跑半飄的方式向前飄移,過了三分鐘後,雙目雖然沒有「反清」,但亦總算「復明」。

行行重行行,開始感到天氣雖然近乎「完美」,但今日我的狀態卻簡直近乎「完蛋」。無論用盡幾次力,無論奮鬥百千次,仍舊軟手軟腳。當雙眼開始第二次發黑之時,我決定打道回府,悠閒地步行回去算了,那時才是 4k

呵呵呵哈哈哈,這就是「狀態」了。

上網看看這個已經舉辦了 34年比賽的資料,不少有心跑友都作了詳細介紹:【大尾督> 烏蛟騰 > 鹿頸 半馬 路線全記錄】

有新仔跑友問:「請問 ching這條路係唔係和國慶那條完全唔同啊?多唔多斜路?」

老鬼跑友答:「走多幾次呢條路,之後跑渣打全馬定半馬都會好容易應付!」

老鬼跟住贈多你一句:「呢條路同 "國慶10K" 完全相反,首先不會走入水霸,起/終點設燒烤場廁所旁邊 "青年旅舍"85%斜佬,鹿頸回頭果段2K"大長咁"最攞命!跑完一定好有滿足感…」

唉唉唉我睇完已經好有滿足感啦… 「可唔可以唔跑呀

但係報左名,男人大丈夫,死就死、頂硬上啦

No comments: