震災敗類 (345)

嘩！救命呀！點有可能發生 D 咁 Q 離譜既事？工商銀行班友仲係米人黎架？今時今日，明目張膽，竟然向慘不忍睹天災既善款打主意，工行班友可以話簡直唔係人！

最離譜既係，全間工行班友一共 56 條友個個都有份參與、個個都有名牌新波鞋收，咁既「企業管治」(Corporate Governance) 水平，你話得唔得人驚！而且今單野唔係一個半個貪心經理既「個體行為」，而係成間四川綿陽涪城支行既「集體意志」，工商銀行既「企業文化」今時今日仍可以如此這般，各位親愛既股友，請問你仲敢唔敢買 1398 呢？（我決定只買 3968 和939 啦）。

更離譜既係，事件揭發後，當局亦只係要求震災敗類工行涪城支行「歸還」貪款了事，個個好似若無其事，在香港我估起碼都要 Charge 佢地「Prevention of Bribery」或者「Forgery」或者「Theft」或者「Conspiracy to Theft 」是但一條或者全部啦！

唉！真係有 D 擔心 D 救災既善款係米去得其所！除左工商銀行外，唔知經其他祖國既銀行渠道既捐款（例如中國銀行、交通銀行、乜乜物物銀行等），結果又會去左邊呢？