請打 1878 333 (487)

12 月 13 日 寶珠姐將會罕有地再次為左做善事而義演，合作既仲有另一位任、白愛徒梅雪詩小姐，兩位都係唱得之人，演出應該十分精彩啦！

不過，講心個句，寶珠姐就只係唱粵曲先至叫做可以聽得下，其他歌曲就真係… 唉… 唔使我再多講啦！

但係無論點都好，寶珠姐仍然永遠永遠永遠係我心中既偶像，原因好鬼簡單：因為佢好孝順啦、佢又有善心啦、佢人品好啦、佢待人又忠厚啦、佢善良又正直啦，佢絕無花言巧語吹水唔抹嘴啦、佢呀…可以話…有齊一切我所有既特徵，你話我點可以唔永遠永遠封左寶珠姐做我既偶像呢？

各位親愛既股友，為左善事，我都不惜獻身、交出我既「無限創意」用口號向大家呼籲一下啦：「為善可以升天堂，捐款生仔有屎忽，記得打 1878 333 支持下啦！」

為此，我謹代表東華三院各式各樣服務既受惠者向各位親愛既股友作 90 度既躹躬，並且稍稍流下一滴珍貴既 X X 淚（X X 可以係「英雄」、「男兒」、「麻甩」等），以表示最深切的謝意！