前兩日中午偶然睇到電視有個兒童節目，五個穿住校服既小學生眾星烘月般圍住李柱銘排排坐正在「真情對話」（無符啦！青協當年又無去攞專利，如今人人都可以真情一番啦）。
在這班天真無邪既小朋友心中，我相信李柱銘呢個金牌大狀，既能在法庭上滔滔雄辯，「顛倒是非」正是強項，「指鹿為馬」家常便飯，腦筋一定強勁，I Q 必定過人！小朋友對他一定好仰慕啦！
一個小朋友於是出題目：「細牛非常頑皮，在家中翻天覆地，他在廚房玩時先弄壞了電飯煲，走到廳裡面又弄壞了電視機，再轉身又連電話都踏壞了。媽媽知道了便趕回家修理，你估媽媽最先要修理甚麽？」
小朋友們齊齊望住李柱銘等答案。
李柱銘木口木面、好認真咁樣「稔」左起碼十秒，但仍未有回答。
小朋友們急了：「你估媽媽最先要修理甚麽？」
李柱銘於是答：「電話！」
小朋友們追問：「點解先修理電話？」
李柱銘：「因為修理好左電話，就可以再找人來修理電飯煲、電視機。」
小朋友們齊聲說：「錯！」
李柱銘：「錯…？」
小朋友們說：「不如開估啦！媽媽最先係要『修理』細牛，因為如果唔『修理』好細牛既頑皮，家中多多野都俾細牛弄壞啦！」
李柱銘：「……！」
另一個小朋友又出題目：「全球最長既行車及鐵路吊橋係青馬大橋，全球最繁忙既過境口岸橋係羅湖橋，全球最禮貌既橋係甚麽橋？」
李柱銘又作出「稔」樣！
吟沉喃喃自語：「橋？Bridge…？」又過左起碼十秒，但仍未有回答。
小朋友們：「不如開估啦！」
李柱銘仍在：「Bridge…Bridge？」
小朋友們一於好少理：「開估啦！全球最禮貌既橋係 Thank You！」
睇到呢度，我真係頂唔順要「kit」一聲笑出黎！ 唔係唔想尊重李柱銘係老人家，但係實在忍無可忍、再唔笑會「谷爆」「谷死」啦！
李柱銘之 I Q 同現今小朋友們之 I Q，真係兩種不同既 I Q！監製睇來原本想玩 Cross Over，結果變左 Game Over！
但係，李柱銘出現兒童節目，何必呢！
No comments:
Post a Comment