又有新玩具 (1359)

嘩嘩嘩! 又有新玩具! 

這新玩具能夠代替十多種電器, 包括: 燒烤爐, 傳統焗爐, 電飯煲, 煮蛋器, 電烤箱, 多士爐, 炖湯煲, 麵包機, 烘窟乾機, 消毒器, 爆谷機, 熱狗機等等, 勁呢嘩! 

首先做咩好呢? 

好, 腰果啦! 

腰果出街買又貴, $55才半磅, 一陣風食完, 自家街市價由$45至$60足足可以買到一斤, 足足便宜一半有多, 我一於買d貴價$58一斤的腰果材料, 食好d, 自行用新玩具試做試吃! 

新玩具既然是萬能的, 因此就叫做 “光波萬能煮食鍋”! Halogen cooking pot, 德國寶名牌! 微波就玩得多, 近年連微信都玩埋, 但係光波真係第一次玩! 

按照食譜, 15分鐘即刻有香脆可口的腰果食! 好! 去片! 

果然係真架! 不用15分鐘, 我用 "目測法" 進行製作, 只要腰果變得金黃, 代表已經熟啦, 可以收火, 結果10分鐘已經攪定!

試食了完成後的腰果, 三個字, "正"! 

吓, 咩唔係三個字! ok!ok! 真係 "好 X 正"! 

香脆可口, 奶味豐富! 對呀, 腰果原味係好有奶味架! 咩你唔知咩? 試番粒啦, 唔使客氣...! 

而我, 唉, 真係好鬼熱氣啦!